Ho Hinet Neu Monit nbi Tabu Am Nemat Onme Kah?

SULAT KNINO NAʼUAB NAK

”In [Uisneno] . . . of anose ale matnu naʼko sin matan. Lasi maten of katita tenif; nek tuʼas kaet, ai menas amsa of kan muʼin tenif. Ale lasi mna namneku nalalien.”—Wahyu 21:3, 4, Uab Meto Neno-Neno.

UPA SA NEU KO

Mepu alekot leʼ neik malinat.​—Yesaya 65:21-23.

Kan muʼif menas, nukat, ma susal bian.—Yesaya 25:8; 33:24.

Monit malinat es le mubua mok ho ume nanan, fomili, ma ho bae-benu sin tal nabal-bal.—Mazmur 37:11, 29.

HIT PALSAI KAH NEU SULAT KNINO IN HANAN?

Teb. Natuin anmui lasi nono nua:

• Uisneno of natiaba in han baʼan. Nbi Sulat Knino, ala usif Yehuwa es antek nak ”Usif akuasat anesit afinit”. (Wahyu 15:3) Namneo-namneo in of natiaba in han mantaʼen he nabaina pahpinan naleko ma namas. Sulat Knino naʼuab nak, ’neu uisneno ale saʼsa of anlail.’—Matius 19:26.

• Uisneno an loim he natiaba in salit. Yehuwa ”nek namnau” atoni amates ma of nafena sin.—Ayub 14:14, 15.

  Sulat Knino naton nak usif Yesus naleko atoni amenat. Nasaʼ es in moe on nane? Natuin in loim. (Markus 1:40, 41) In loim hen tuntauk mansian onle in amaf Yehuwa.—Yohanes 5:19.

  Hit palsai neu Yehuwa ma Yesus Natuin sin loim henati hit tapenimonit malinat nbi tabu amnemat!—Mazmur 72:12-14; 145:16; 2 Petrus 3:9.