Sekau es Anʼkuasai Pahpinan?

SULAT KNINO NAʼUAB NAK

”Pahpinan i ok-oke anbi amleʼut in kuasat.”—1 Yohanes 5:19, Uab Meto Neno-Neno.

”Uisneno anmone ankoenon nem henati naskuku Nitu in mepu.”—1 Yohanes 3:8, Uab Meto Neno-Neno.

UPA SA NEU KO

Muhin neu sekau es anmoe ale lasi amleʼut nbi pahpinan.—Wahyu 12:12.

Mui nek aʼtebes neu pahpinan amnemat of naleko neis.​—1 Yohanes 2:17.

HIT PALSAI KAH NEU SULAT KNINO IN HANAN?

Teb. Natuin anmui lasi nono teun:

• Nitu ini plenat of namsoup. Usif Yehuwa nafek nalail in tabun In anbaan nak ”In of naneku . . . Nitu le anmui kuasat neu lasi maten”.—Ibrani 2:14, Uab Meto Neno-Neno.

• Uisneno anlek Yesus henati naplenat pahpinan. Yesus in ka on fa Nitu amaufinut le natenab neu in taʼun anʼmes. Uisneno anbaan neu plenat Yesus, ”In nek atoni amaʼmuit ma to aʼbaut . . . In nafetin sin naʼko hamuʼit”.—Mazmur 72:13, 14, Uab Meto Neno-Neno.

• Uisneno ka apoiba fa. Sulat Knino namolok nak, ”Uisneno ka napoibon fa.” (Ibrani 6:18) Kaul Yehuwa anmantaʼen lasi mese in of natiaba nani! (Yesaya 55:10, 11) ”Aʼna kuasat pahpinan of anpolin napoitan.”—Yohanes 12:31, Uab Meto Neno-Neno.