Sulat Knino Le Nane Saʼ?
Ho hinet onʼme . . .
sulat antui piʼot mansian?
sulat ka maʼupa fa?
sulat aʼan Uisneno?
SULAT KNINO NAʼUAB NAK
”Ale tuis anbi Sulat Knino le Uisneno an etun nani.”—2 Timotius 3:16, Uab Meto Neno-Neno.
UPA SA NEU KO
Natah tanas-tanas namfau nao nok monit mansian.—Amsal 2:1-5.
Fain meusine nbi ho monit neno-neno.—Mazmur 119:105.
Fnekat amneot neu tabu amnemat.—Roma 15:4.
HIT PALSAI KAH NEU SULAT KNINO IN HANAN?
Teb. Natuin anmui lasi nono teun:
In hanan an mataul. Tuaf boʼha antui Sulat Knino nan ton 1.600 sin le nane kan moin fa nbi batan mese, mes sin antui uab uf mese!
Piʼot amneot. Maski atui Sulat Knino le nane mansian asanat. Yehuwa anpaek sin hen tui aʼan Knino ma sin ka naninib fa sin sanat.—2 Tawarikh 36:15, 16; Mazmur 51:1-4.
Uab ahunut le amneot. Ton 700 ahunut Sulat Knino an eut neu Mesias of nahonis nbi Betlehem, kot ana nbi Yehuda. (Mikha 5:2) Yesus nahonis nbi me? Namneo, nbi kota Betlehem!—Matius 2:1-6.
Uab ahunut namfau nbi Sulat Knino natiabon. Le i naton kit nak Sulat Knino nane aʼan Uisneno.—2 Petrus 1:21.
MUTENAB NAI
Onʼme kah he Sulat Knino anmoe ho monit naleok?
Sulat Knino natah han tanas nane nbi YESAYA 48:17, 18 ma 2 TIMOTIUS 3:16, 17.