?Masan le toh ah mapma, ba man geni Apma?

APMA AH DALEKTE TEGOKON BEP

“Takaa manesra sun meta. Bi mete manbulong, bi atsi man bam denghi mete gna. Tsineng man bulong, bi atsi man bam rongo nokonokon gah mwegapma. Leut sera at mate tenok.”—Revelesen 21:3, 4, Dalen Takaa Le Bislama.

?WIHNIAN AH WETSI KIK TEGUENI APMA?

Wihniana bah mwesasra nehu uman ah kon leli bah manbawan masen tean, bi rongnan nokom bah man gabis uh nom uman.—Aesea 65:21-23.

Mweleli kobihni nehu rasan man nok, bi atsi manbarongo nokon gna mwegapma.—Aesea 25:8; 33:24.

Wihnian betsi kik nehu koneligni nehu rongnan nokom mangabis mini dawim ni mini walun nom mweran ni ah mulgan man bulong.—Ol Sam 37:11, 29.

?TAN WIHNI MWETAK GNA NAN APMA AH DALEKTE TEGOKON BEP?

Mwetak gha, na ou wihnian ni ah:

• Takaa man leli non watlean mwe gaaret. Le beba tegokon, Takaa Ioba ihken ah mabuhu ih ah Takaa ah “rowon matkol” i go rowon ba matkolkolsik. (Revelesen 15:3) Naia ah, ni man dokoi go ah mauhu non watlean, na aha man leli ah uruu man mugabis. Tedapmak goah Dalen Takaa bep nehu, Takaa tedokoi goah man lel sera leut.—Matiu 19:26.

• Takaa modon go tokol nehu non watlean man gaaret. Kowihni dopmi sinong. Ioba tevep mini Daniel nehu kon mat, bi kon ga mas bamul. Metakgah, Takaa modoni tokol ah man leli atsi ah ratmate, ramas bamul.—Daniel 12:13.

  Toptowan non Takaa bep nehu, Yesuh teleli rasani ramgabis bwamul. ?U apma ugoh? Ni ma modoni nehu nema leli tedapmak. (Mak 1:40, 41) Yesu tesasra katris non teman, tedoni tokol nema wetsi atsi ah masrini mwasan.—Jon 14:9.

  !Nai’ah tabihni nehu Ioba nuru Yesu ramrudoni ne wetsi kidi ugoh tamah di le seperan le toh ah mapma!—Ol Sam 72:12-14; 145:16; 2 Pita 3:9.