HAP 7
?Itan Ah Iesu?
Iova tesro Iesu mapma li tan. 1 Jon 4:9
Ihko tan doni nehu rongnan nokon Iova man gabis ba tan mu rorongtak li dalen angelo baleh le bini ah rowon matkolkol sik. Iova te leli angelo nong mate mate masi, ba mega leli Adamo.
Limalen, Iova malgi masan non angelo nong ba le tsinen Maria le tow ah tei dalat gama teba do ililgi atsi ga. Maria teewa atsi hawak nong Betlehem. Ram malgi han ah Iesu.—Jon 6:38.
Le too ah Iesu temas li tan ah, ba temas dahkuru lumhi lelian non Takaa. Winhian no Iesu ba te di tetkol nehu nema sesra atsi ni, i dalekte metakga ba nokon Takaa.
Iesu te megololo i atsi ni, ani atsi ni ba, rat wariak bamte ni. 1 Pita 2:21-24
Iesu te wamasa atsi ni ah rat ras, bi meleli datgin goah rat mate ram mas bamul.
Subu nan dat ni ba, rat wariak gosokso Iesu, igo Iesu telgi noo wahwahan keketan ba ut temsa, bi me sesra noo lelian tegapma.
Subu nan dat ni rat gatsuk i halan mete non Iesu mini at Rom ni nehu rama hi bamte Iesu.