Habacuc
2 Iñche huitralean cheu tañi llihuatulequen, fei mülenagan feichi curantu mu inaltu tati fütraque cura malal. Iñche llihuatulean, femngechi quiman chem tañi dungufalaeteu Jehová ca chem tañi feipial norümtungeli iñche. 2 Fei Jehová huiñoldungueneu: “Lafcülechi cura meu huirintucuaimi chem tami pengelelaeteu. Fei adümfalngepe tami huiriel. Femngechi quiñe che nehuentu dungun meu papeltufile, cüdautulayai tañi quimal. 3 Medin antü mu mupiai iñche tami pengelelmequefiel, pürüm amulei ñi femtripayal ca coilatulayai. Alüñmafule rume, ¡llihuatulenge fei mu! Tüfa rüf femtripayalu am. ¡Alüñmalayai! 4 Adquintufinge tati mallmangelu, quisu ta nor piuquengelai. Huelu tati nor chengelu tañi manelfalngen mu mongelerpuai. 14 Chumngechi tati co tacuniefi ti lafquen, ca femngechi ti mapu apoleai che meu quimfilu Chau Jehová ñi püramyefalngen.