Watchtower INTERNET MÜLEYECHI LIFRU
Watchtower
INTERNET MÜLEYECHI LIFRU
mapudungun
ü
  • ñ
  • Ñ
  • ü
  • Ü
  • BIBLIA
  • FILLQUE PUBLICACION
  • FILLQUE TRAHUN
  • g22 num. 1 pag. 4-6
  • 1 | Cuñiutucuhuaimi tami tremoleal

Ngelai video tüfachi troquiñ meu.

Müna huesa, pepi pengelngelai ti video.

  • 1 | Cuñiutucuhuaimi tami tremoleal
  • ¡Tami quimafel! (2022)
  • Fillque subtitulo
  • Ca femngechi dungu
  • ¿CHUMNGELU FALIN-NGEI TAMI FEMAL?
  • Chem tami quimafel
  • Feula chem tami cüme femal
  • ¿Chumngechi ngünenieafuiñ ti estres?
    ¡Tami kimafel! (2020)
  • Cuidayafiyiñ taiñ mongen Jehová taiñ elueteu
    Ti Huerquen Quimeltumequei Chau Jehová ñi Gobierno (ñi chillcatungeal) 2023
¡Tami quimafel! (2022)
g22 num. 1 pag. 4-6
Fillque cümeque iyael quiñe mesa mu.

HUESAQUE DUNGU ÑI RUPAN MU

1 | Cuñiutucuhuaimi tami tremoleal

¿CHUMNGELU FALIN-NGEI TAMI FEMAL?

Rupamequeliyiñ cutrancahun-ngechi dungu mu, cüdaungeafui taiñ tremoleal ca contuafeiñmu fillque cutran.

  • Femngechi dungu mu rupai che, armunagquei ca ürcüquei tañi piuque. Alüñmale tüfachi dungu mu, doi cutranconquei.

  • Rupayüm fütra huesaque dungu, feihuelai che pital mu, ngehuelai medico ca afquei lahuen.

  • Femngechi rupayüm huesaque dungu afquei plata, feimu pepi ngillangequelai iyael ca lahuen.

Chem tami quimafel

  • Huesa cutrancülelmi ca ürcülele tami piuque, cüme dullilayafuimi chi tami chumal, feimu doi cutranconafuimi.

  • Cuñiutucuunolmi tami tremoleal, doi cutranconafuimi cam layafuimi chi.

  • Eimi doi tremolelmi, doi cüme dulliafuimi chumngechi chaftuafiel chem huesaque dungu rume.

  • Ricungelmi cam pofrengelmi, fillque dungu femafuimi tami tremoleal.

Feula chem tami cüme femal

Quiñe quimche hune ngüneduamquei chem tañi cuñihun-ngen, fei chem rume femquei tañi montuluhual. Ca femngechi mülei taiñ femal taiñ cümelcaleal. Feimu cümeafui tami liftuucüleal ca tami ruca, femngechi contulayaimu cutran cam müte cutranlayafuimi chi. Cutrani che lahuentuquei, huelu doi cümefui ñi cuñiutucuhual tañi cutrannoal.

Andrésa feipi: “Tañi domo iñchiu ngüneduamiyu, liftuniehui che ca tañi ruca, rüfcünu müte duamlayai fentren plata ñi ngillayal lahuen ca ñi amual pital mu”.

a Tüfachi revista mu, ca üi tuculelngei ta quiñeque che.

¿CHUMNGECHI CHAFTUAFUIMI? Cümeque ngülam

Rupan mu huesaque dungu, ¿chumafuimi tami tremoleal?

LIFTUUCÜLEAIMI

Quiñe huentru huecun tañi ruca mu cüchacuhui co ca jabon mu.

Liftuucüleaimi

Biblia feipi: “Feichi che quimün nielu ngüneduamquei ti cuñihun dungu, fei ellcauquei” (Proverbios 22:3). Ngüneduamülmi ñi miyahun quiñe cutran, pepicaunge tami montuluhual.

  • Petu tami yafütunon, cüchacuhunge jabon mu ca fentren co mu. Deu amulmi tripatripatuhue mu, ca femngechi femaimi.

  • Liftucünumequenge com tami ruca, doi mai chem tami doi pünequeel.

  • Pepi femülmi, müte fülmaquefilnge tul cutran nielu.

IYAIMI CÜMEQUE IYAEL

Fillque cümeque iyael quiñe mesa mu.

Iyaimi cümeque iyael

Biblia feipi: “Inei no rume am üdequenolu quisu ñi cuerpo, huelu mai ta iltuquefi ca poyequefi” (Efesios 5:29). Taiñ poyefiel mu taiñ cuerpo, cüme dulliqueiñ chem taiñ iyal ca chem taiñ pütocoal.

  • Pütocoaimi fentren co.

  • Inge caque rume fün anümca ca tucucan.

  • Müte iquefilnge yihuiñ, chadi ca azucura.

  • Pütremtuquilnge, ngolliquilnge, drogatuquilnge.

Carlos feipi: “Tayu cutrannoal, tañi domo iñchiu iqueyu cümeque iyael. Femngechi femnoliyu, doi culliafuyu tayu lahuentual. Doi mai pünequefiyu ti plata tayu ngillayal cümeque iyael”.

DEPORTETUAIMI CA ÜRCÜTUAIMI

Quiñe huentru lefcülei quiñe rüpü mu.

Deportetuaimi

Biblia feipi: “Doi cümei pichi ürcütual ta rume cüdahual meu” (Eclesiastés 4:6). Mülei taiñ cüdahual, huelu cafei duamnieiñ taiñ ürcütual.

  • Deportetuaimi. Hunelu mu, pichi trecacantuafuimi müten. Cümeafui tami deportetual. Feita com che cümelcaquefi, füchaleafui cam cutrancüleafui rume.

  • Quiñe üllcha domo pichi umautulei.

    Ürcütuaimi

    Cüme umautunge. Quiñeque pun cüme umautunolmi, huesa duamcüleaimi ca nampitripayai tami raquiduam. Ca femngechi fentren pun cüme umautunolmi, huesa cutran contuafeimu.

  • Eluunge chem hora mu tami umautual ca rüf inafinge. Ca feipinge chem hora mu tami huitrayal fill antü.

  • Üyümquilnge tami television ca yequilnge fillque chemcün tami cahuitu mu.

  • Petu tami umautunon, rume ilayaimi, putulayaimi ca cafetulayaimi.

Justin feipi: “Umautun rume falin-ngei tañi tremoleal. Pichi umautuli, quiñeque mu cutranquei tañi lonco ca tañi cuerpo. Huelu doi umautuli, doi cüme hunmaquen ca doi niequen nehuen, fei müte cutranquelan”.

Quiñe adentun tripalu ti video “Mülele kiñe weda kutran, ¿chumafuimi?”. Quiñe domo llouniefi quiñe virus ñi conal tañi ruca mu.

¿DOI CÜPA QUIMFUIMI? Pefinge ti video Mülele kiñe weda kutran, ¿chumafuimi?

    Fillque chillca mapudungun mu (1993-2025)
    Tripayaimi
    Conaimi
    • mapudungun
    • Huercülelngeal
    • Chumcünuafimi ti pagina
    • Copyright © 2025 Watch Tower Bible and Tract Society of Pennsylvania
    • Términos y Condiciones de Uso
    • Política de privacidad
    • Configuraciones de privacidad
    • JW.ORG
    • Conaimi
    Huercülelngeal