Kiñe küme fotüm, kangelu weda fotüm

ADKINTUFINGE fewla Kain ka Abel. Mür dew tremlu engu. Kain nganfe ngerkefuy. Kidu küdawkey ñi mapu ngankefuy ketran, fill fün ingekelu, ka fill tukukan werta mu mülelu.

Abel ufisa kamañngefuy. Kidu ayükey ñi ngüneytual ñi pichike ufisa. Tüfa engün tremkeyngün, ka fütrake ufisa ngerpuy, ka femngechi nierpuy kiñe fütra kechan ufisa tañi ngüneytuniefiel.

Kiñe antü Kain ka Abel yelelfingu Ngünechen kiñe yewün. Kain yelelfi iyal, kidu ñi ngankefel. Ka Abel yelelfi doy küme ufisa nielu. Jewba ayükefi Abel ka ñi yewün. Welu ayülafi Kain ka ñi yewün. ¿Kimimi chumngelu (chemu)?

Abel ñi yewün doy küme ngey feychi Kain ñi yewün ñi nieel, welu feyka müten no. Welu Abel doy kümechengey. Piwkeyeniefi Jewba ka tañi peñi. Welu Kain wedachengey, piwkeyelafi tañi peñi.

Feymu lle Ngünechen feypifi ta Kain: ‘Kangeaymi tami femngen, femngelayaymi’. Welu Kain allkütulafi Ngünechen. Ngünechen doy sakifi Abel, feymu Kain rume lladküy. Kain feypifi ta Abel: ‘Amuyu tüyechi lelfün mew’. Dew mülepulu kidu engu, Kain wülelfi ñi peñi. Langümfi fente newen mu wülelfilu. Ñi chumün Kain ¿müna wedalkay trokilafimi?

Layelu rume Abel, welu ­Ngünechen petu tukulpaniefi. Abel küme wentru em, ka Jewba turpu ngoymakelafi femngechi che. Feymu lle kiñe antü, Chaw Ngünechen Jewba wiñomongeltuafi Abel. Feychi mu, Abel turpu lawelayafuy. Afnoachi mongen nieafuy tüfachi Mapu mew. ¿Kümepelayafuy kimal che kidu reke?

Welu Ngünechen ayükelafi tati pu che Kain reke. Feymu, dew Kain langümfilu ñi peñi, Ngünechen kastigafi (kutrankawtuy), püntünentufi ñi reñma mew, ka wüdanentufi ka mapu. Amulu Kain ñi müleal kañpüle Mapu mu, yefi ñi kiñe domo lamngen kureyepufi.

Rupalu tripantu, Kain ka tañi domo nierpuyngu yall (püñeñ). Kakelu ñi pu yall Adan ka Eva, kurengey, ka femngechi choyüyngün (llengingün). Rupalechi tripantu mu mülerpuy fentren che Mapu mew. Kimafiyiñ kiñeke engün.