Wall Mapu mu, müna kutrankawkey pu che, welu ¿femngechi femkünupey may taiñ Chaw Ngünechen?
¿Chem kimeltukey ti Biblia?
Chaw Ngünechen, ¿femkünupey may taiñ kutrankawal?
¿Chem piafuymi eymi?
May
Femlay
Femkayafuy chi
Biblia ñi feypilen
“¡Rakiduamfalngelay Chaw Ngünechen ñi femal wedake dungu, ka ñi nor dungu femnoal tati Kom Pepiluwün-nielu!” (Job 34:10). Feley, Chaw Ngünechen turpu femkünukelay ñi kutrankawal tati pu che ka ñi rupayal wedake dungu.
Ti Biblia, ¿ka chem kimeltukeeiñmu?
Epe kom kutrankawün ñi mülen, Weküfü ñi duam mu müley, kidu am “tati longkolelu tüfachi mapu mew” (Juan 14:30).
Kafey tati pu che ñi weda dulliel mu, müley kutrankawün ka wedake dungu (Santiaw 1:14, 15).
¿Afpeay may taiñ kutrankawkülen?
Kiñeke che rakiduamkey kiñewkülen mu newenkülele tati pu che, apümafingün ti kutrankawün, kakelu maneluwkeyngün ñi puwal ta antü ñi küme elkünurumengetual ti wedake dungu. ¿Chem pimi kay?
Biblia ñi feypilen
Chaw Ngünechen apümafi ti kutrankawün. “Fey ngewelayay ta lan, ngüman no rume, eyütun no rume, kutrantun no rume” (Apokalipsi 21:3, 4).
Ti Biblia, ¿ka chem kimeltukeeiñmu?
Jesus mew, Chaw Ngünechen küme elkünutuafi kom tati kutrankawün ñi femkünuel ti Weküfü (1 Juan 3:8).
Tati kümeke che afnoachi mongen nieay ti Mapu mew küme felen mu (Salmo 37:9-11, 29).