Huesaque dungu fente hueñancülchequei

Tüfa ñi rupan quiñe domo Sally pingelu.a Quisu mülei Estados Unidos mapu mu, üyeu rupai quiñe fütra cürüf, fei epe com tañi nieel ñami. Quisu feipi: “Yafüngehuelafun. Fill antü ‘müna huesa, com fentepui’ piquefun”.

Lale quiñe taiñ pu che, ca müna hueñancülqueiñmu. Tüfa ñi rupan Janice, quiñe domo Australia mapu mu mülelu, quisu feipi: “Lalu tañi epu püñeñ, fentepuhui iñche tañi mongen troquiufun. Fei llellipufiñ ta Fütra Chau: ‘Müna cutrantupiuquelen. Müntuñmaen tañi mongen, cüpa mongelehuelan’ pifiñ”.

Ca quiñe dungu müna hueñancülchequei: tati ñihualuhun ti curehuen mu. Tüfa feipi Daniel: “Ñihuañpeyu pieneu tañi domo. Allcütulu iñche feichi dungu, müna huesa duameleneu, chüngartucupiuqueeneu reque. Alüñma femngechi huesa duamcülefun” pi.

Huelu alün huesaque dungu rupaliyiñ rume, ngünam mongelen pilayaiñ. Tüfachi chillca quelluaiñmu taiñ nehuentual:

• Fütra huesaque dungu rupaliyiñ

• Quiñeque taiñ pu che lale

• Mülele ñihualuhun ti curehuen mu

• Huesa cutran contueliyiñmu

• Fente hueñancüleliyiñ

Fei feula ngüneduamaiñ tüfa: fütra huesaque dungu rupaliyiñ, ¿chem quelluafeiñmu taiñ nehuentual?