Sakifalngey taiñ dewmayal ka küme elkünual taiñ Trawünwe Ruka

Tati pu israelche rume küdawtuyngün ka fentren kulli engün ñi dewmayal ti ngillatuwe ruka, kafey ayüwünkechi kelluyngün ñi dewmayafiel (1Cr 29:2-9; 2Cr 6:7, 8). Fey wüla, pu israelche küme elkünutuyngün tati ngillatuwe ruka, femngechi pengelkefuyngün fente ñi weniyefiel engün ta Jewba (2Re 22:3-6; 2Cr 28:24; 29:3). Famülke mew, iñchiñ wülkeiñ taiñ antü ka taiñ newen ñi dewmangeal, liftungeal, ka küme elkünungetual tati Trawünwe Ruka ka Fütrake Trawünwe Ruka. Femngechi kelluntukufiyiñ ta Jewba, feymu müna sakifalngey ka femngechi poyekefiyiñ ta Ngünechen (Sl 127:1; Ap 7:15).

¿CHUMNGECHI KELLUAFUIÑ?

• 

  Dewle ti trawün, müley taiñ küme adkünutual ti Trawünwe Ruka. Pepi femnolmi, lifkünuafuymi ka küme elkünutuafuymi chew tami anüñmun.

• 

  Kellukonküleaiñ adkünungele ñi liftungeal ka küme elkünungetual ti Trawünwe Ruka. Fentren che kellule, fey pürüm tripayay ti küdaw doy ayüwün mew (lv pag. 92 parr. 18).

• 

  Eluafuiñ taiñ plata. Jewba rume ayüwkey taiñ elual taiñ chemkün piwke mu tripale, eluliyiñ rume “epu pichike [...] moneda, rume pichin falilu” (Mr 12:41-44).

• 

  Pepi femülmi, kellumeafuymi ñi dewmangeal kam küme elkünungetual fillke ruka ñi poyengeal ta Jewba. Adümnofilmi rume dewmarukayal, kelluafuymi tüfachi küdaw mew.