Doy küme adümuwnge tami amuldungual: Wiñopemetuafiyiñ ti che

CHUMNGELU FALIN-NGEY: Fentren che allkütukelu taiñ amuldungukeel kintukey ñi kimal ti rüf dungu Chaw Ngünechen mu (Isa 55:6). Taiñ doy kimeltuafiel engün, fentren rupa müley taiñ wiñopemetuafiel. Pu che chaftukey fillke dungu, feymu kakerumeafuy chumngechi taiñ kelluafiel tañi doy küpa kimal. Welu küme pepikawküleliyiñ ka adkünufiliyiñ chem taiñ nütramkayafiel pu che, femngechi doy küme kimeltulelafiyiñ engün, fey eluwafuyngün ñi chillkatual ta Biblia.

CHUMNGECHI ÑI FEMNGEAL:

• Pürüm wiñopemetufinge ti che, kiñe mufü antü müten rulpakünuaymi (Mt 13:19).

• Weniyefalngeaymi ka yamchekeaymi. Eluwnge tami llükalenoal.

• Wüne, ayüwünkechi chalifinge ka üytufinge tati che. Feypiafimi chumngelu tami wiñopemetufiel: tami wiñoldungulelafiel kiñe ramtun, yelelafiel we tripachi chillka, pengelelafiel taiñ sitio internet, kiñe video kam chumngechi taiñ kimeltucheken ti Biblia. Ti ngen ruka ka dungu nütramkale, kakünuaymi tami nütram (Fil 2:4).

• Papeltulelafuymi kiñe texto Biblia mu ka elkünulelafuymi kiñe papil tami kelluafiel ti ngen ruka ñi doy duamtuafiel ti rüf dungu (1Ko 3:6). Eluwnge tami küme tutewküleal kidu eymu.

• Amulkünuaymi kiñe nütram tami wiñotual.