TAIÑ KRISTIANO MONGEN
Yamnieafimi tami füta ka kümeke dungu femaymi
Kiñeke domo dew fütangelu cristianangerpuyngün. Fey, ¿chumngechi kelluafuyngün tañi wentru ñi cristianongerpual? Tati domo ñi küme femken mew ti wentru llowafuy ti rüf dungu. Welu petu ñi cristianongenon tati wentru, tati domo müna kutrankawpelafuy (1Pe 2:21-23; 3:1, 2, TNM). Eymi lamngen femngechi dungu mu rupalmi, fentekünulayaymi tami küme femken (Rom 12:21). Tami wentru ayülayafuy allkütual Jewba ñi dungu, welu ngüneduamle tami küme femken, kidu ayürpuafuy ñi poyeafiel ta Jewba.
Eluwnge tami ngüneduamal chem rakiduamkey tami wentru (Fil 2:3, 4). Duamtufinge ñi chem duamkülen ka kutranpiwkeyeafimi. Kafey yamnieafimi, fey eluwnge tami femal kom tami elfalkünuetew Jewba tami fütangen mu. Küme allkütuafimi tami wentru (San 1:19). Ñochi duamngeaymi, ka pengelafimi tami piwkeyeniefiel. Welu femngechi femnoelmu tami wentru, weda duamkülekilnge, Jewba fente küme kimniey tami femken ka müna falintukefi (1Pe 2:19, 20).
PEFINGE TI VIDEO JEWBA KELLUKEEIÑMU TAIÑ CHAFTUAFIEL CHEM WEDA DUNGU RUME, KA WIÑOLDUNGUNGE TI MÜLEYECHI RAMTUN:
Ti lamngen Grace Li, ¿chem dungu mu rupay we fütangelu?
Ti lamngen, ¿chem dungu ayüwmafi ñi feypiel ta Biblia?
Dew fawtisawlu, ¿chumi ti lamngen ñi chaftuafiel fillke weda dungu ñi rupan?
Ti lamngen Grace, ¿chem dungu ta llellipufi ta Jewba tañi wentru mu?
Ti lamngen Grace kümeke dungu femi ka yamniefi tañi wentru, feymu ¿chem kümeke dungu llowi?
Müna duamfali tami yamnieafiel tami wentru ka kümeke dungu femal