Noviembre küyen doy amuldungucheaiñ Chaw Dios ñi gobierno mew

Jesus kimeltulelfi tati pu che ti kümeke dungu ñi küpalal Chaw Dios ngünenietule ta Mapu (Lk 4:⁠43). Ka femngechi kimelelfi ñi famngechi ngillatual: ‘Küpape tami Gobierno’ (Mt 6:⁠9, 10). Noviembre küyen, doy eluwküleaiñ taiñ nütramkacheal chumay Chaw Dios ngünenietule Mapu (Mt 24:⁠14). Fey doy elantükünuafuiñ taiñ kelluntukual tüfachi küdaw mu. Feyti noviembre küyen, eluwküleafuymi tami precursor auxiliar ngeal, fey 30 kam 50 hora femafuymi.

Noviembre küyen doy fentren che amuldungulelafiyiñ. Fey pengelelafiyiñ engün chem pin Biblia ñi femal tüfachi gobierno. Petu taiñ pengelnofiel ti texto, ngüneduamaiñ chem feyentun niey tati che. Tati che ayüfile ti nütram, elungepe ti revista Ti Werken num. 2, 2020 feypilelu “¿Chem gobierno küpalay ta Chaw Dios?”. Ka pürüm müten wiñopetuafiyiñ tati che. Fey pengelelafiyiñ kiñe papel kam lifru mülelu ti fillke kellu taiñ kimeltucheal, femngechi taiñ estudialelafiel. Longkontukunge: pichiñma mu ngünenietuay ta Chaw Dios, fey apümkayafi kom pu wentru ñi gobierno (Da 2:⁠44; 1Ko 15:⁠24, 25). Feymu llemay, eluwküleafuiñ taiñ kelluntukual tüfachi falin küdaw. Femngechi pengelaiñ taiñ nor piwkeyefiel ta Jewba ka taiñ maneluwkülen tañi ngünenietual.