¿Eluwküleymi koneltual tati Escuela de Evangelizadores?

¿Dew niepeymi 23 tripantu? Kam ¿petu puwlaymi 65 tripantu? ¿Wüneleymi amuldungun mew? ¿Külfünchengeymi? Ka ¿amuldunguafuymi chew rume tami werküngeafel? May pilmi, eymi koneltuleafuymi tati Escuela para Evangelizadores del Reino. Fentren kurewen, ka fentren peñi ka lamngen kawchulelu, dew apolfingün ti formulario ñi konal tüfachi escuela mew. Welu petu duamnieiñ ñi amual doy wentru kawchulelu. Fey, ¿chumafuymi? Ngillatufinge ta Chaw Jewba, femngechi doy eluwküleaymi tami küdawelafiel ka inayentuafiel tañi fotüm (Sl 40:⁠8; Mt 20:⁠28; Eb 10:⁠7). Kafey elkünunge chem dungu rume tami katrütuafetew ñi amual tüfachi escuela mew.

Pu amulu tüfachi escuela, ¿chew werküngeafuyngün? Kiñeke werküngey ñi amuldungual chew ñi dungungekeel ka kewün, kafey werküngeyngün ñi amuldungual chew ñi rupaken fentren che fütrake waria mew. Kakelu werküngeyngün ñi witrankontuafiel pu trawünche kam amuldungual ka pais mew. Petu rakiduammekeymi chumngechi doy küdawelafiel ta Jewba, longkontukuaymi chem pin Isaías: “¡Tüfa mu mülen! ¡Werküen llemay!” (Isa 6:⁠8).

PEFINGE TI VIDEO PU AMULDUNGULU KA PAIS MEW, MÜNA KÜME KÜDAW FEMKEYNGÜN, KA WIÑOLDUNGUNGE TI MÜLEYECHI RAMTUN:

• 

  Pu werküngelu ñi amuldungual ka pais mew, ¿chumngechi dullingekey?

• 

  Pu werküngelu ñi amuldungual ka pais mew, ¿chum tripamekey tañi küdaw engün?

• 

  ¿Chem kümelkan llowingün pu amuldungukelu ka pais mew?