Jewba ka Jesus ñi duam mew lifreleaiñ

¿Chem küdawngechi dungu rupamekeymi tami mongen mu? ¿Longkoleymi tami pu che mu ka fillke duam nieymi? Kam ¿kidu tremümmekefi tami pu yall? ¿Küdawtukeymi ñi eluafiel tami pu che ñi duamnieel engün? Kam eymi weche, ¿tami compañ colegio ayentuniekeeymu? Ka eymi papay, chachay, ¿weñangkülepeymi kiñe weda kutran mew? Kom rupamekeiñ küdawngechi dungu mew. Welu pichiñma mew, Chaw Dios lifrekünuaeiñmu tati wedake dungu mew (2Ko 4:⁠16-18).

Welu petu ñi puwnon feychi antü, maneluwküleiñ Jewba mu. Kidu kimniey kom taiñ rupameken ka falintukey taiñ nor piwkengen. Feymu newentuliyiñ, fütra kümelkangeaiñ küpalechi antü mew (Jer 29:⁠11, 12). Jesus ka kimniey taiñ rupameken ka eluwküley taiñ kelluaetew (Mt 28:⁠20). Feley llemay, rakiduamliyiñ chumngechi taiñ lifrekünuaetew Jewba, newenkülen mu chaftuafiyiñ tati wedake dungu (Rom 8:⁠19-21).

PEFINGE TI VIDEO PETU ÑI FÜLKÜLEPAN TI AFMAFALCHI WEDA DUNGU, ¡KÜME PUKINTUNIEAFIYIÑ TA JESUS!, KA WIÑOLDUNGUNGE TI MÜLEYECHI RAMTUN:

• Adan ka Eva, ¿chumingu? Ñi femün mew, ¿chumngechi feletuy ti pu che?

• Pu nor piwkeyefilu ta Jewba, ¿chem kümeke dungu llowayngün?

• ¿Iney ñi duam mew tati pu che küme feletuay?

• ¿Chuchi kümelkan doy ayüleymi tami llowal?