TAIÑ CRISTIANO MONGEN
Chau Jehová quelluqueiñmu taiñ aguantayal
Famülque mu, huesaque dungu mu rupaqueiñ. Fentren huesaque dungu taiñ rupan, quiñeque mu rupanoalu troquiquefiyiñ. Huelu fülconcüleliyiñ Jehová mu, quisu quelluaiñmu taiñ aguantayal (Is 43:2, 4). Eimi, ¿chumngechi doi fülconafuimi ta Jehová mu?
Llellipuaimi. Nütramcafiel mu Jehová taiñ huesa rupamequen, quisu eluaiñmu tüngün ca nehuen taiñ aguantayal (Flp 4:6, 7; 1Te 5:17).
Amuaimi trahun mu. Famülque mu, rume duamnieiñ allcütual Jehová ñi ngülam ca taiñ trür müleal taiñ pu peñi ca pu lamngen iñchiñ (Heb 10:24, 25). Cüme pepicafiliyiñ ñi inaduamngeal trahun mu, amuliyiñ ta trahun mu ca coneltuliyiñ fei mu, femngechi llohuaiñ Jehová tañi nehuen (Ap 2:29).
Tripayaimi tami amuldungual. Amuldunguyahun mu, cümeque raquiduam niequeiñ. Ca trür cüdauqueiñ pu peñi ca pu lamngen iñchiñ ca Jehová iñchiñ, femngechi doi hueniyequefiyiñ engün (1Co 3:5-10).
PEFINGE TI VIDEO JEWBA KÜME DUAMELKEEIÑMEW, CA HUIÑOLDUNGUNGE TI MÜLEYECHI RAMTUN:
¿Chumi Malu ñi fülconcüleal Jehová mu?
¿Chumngechi nehuentucuqueiñmu Salmo 34:18?
Ñi rupan taiñ lamngen, ¿chumngechi pengeli Jehová taiñ eluqueteu ñi nehuen rupaliyiñ huesaque dungu mu? (2Co 4:7).