Cüla dungu tami doi maneluucüleal Jehová mu

David fente tañi maneluucülen Jehová meu hueufi ta Goliat (1Sa 17:45). Ca femngechi fachantü Jehová ayüquei ñi quelluafiel tañi pu poyequeteu (2Cr 16:9). Cuñiutucuunoliyiñ maneluhuafuiñ taiñ adümuhun mu cam taiñ quimün meu müten, fei ¿chumafuiñ taiñ doi maneluhual Jehová meu? Feula inaduamafiyiñ cüla dungu taiñ quelluaeteu.

• Rumel llellipuaimi. Huelulcahulmi ngillatuaimi tami perdonangeal, huelu ca ngillatunge tami connoal huesaque dungu meu (Mt 6:12, 13). Llellipuafuimi ta Jehová ñi cümelcayafiel tami dulliel, huelu ca llellipuafuimi tami adnieaeteu ca quelluaeteu petu tami dullinon tami chumal (Snt 1:5).

• Fill antü papeltuaimi ca estudiayaimi Biblia. Fentecünulayaimi tami papeltufiel Biblia fill antü (Sl 1:2). Raquiduamnge fillque nütram mülelu Biblia meu ca inafinge tami quimürpuel (Snt 1:23-25). Tami amuldungucheal maneluulayaimi tami adümuhun mu, doi mai cüme pepicahuaimi. Cafei cüme pepicayafimi chem ngüneduamngeai tati trahun meu, femngechi cümelcayaimu chi trahun.

• Femnge ñi feipiqueel Jehová tañi troquiñche. Cüme quimtucuniefinge tati hueque dungu ñi feipiel Jehová tañi troquiñche ca eluucülenge tami inayafiel (Nú 9:17). Cafei pu loncolelu ngülamtuelimu cam huercüelimu tami femal quiñe dungu, allcütuafimi engün (Heb 13:17).

PEFINGE TI VIDEO ¡INACANGELIYIÑ LLICALAYAIÑ!, CA HUIÑOLDUNGUNGE TI MÜLEYECHI RAMTUN:

• Pu peñi ca pu lamngen, ¿chem dungu meu llicalefuingün?

• ¿Chem quellueyu engün ñi llicalehuenoal?