¿Ngüne­duamimi Jehová chumngechi tami allcütuñ­maqueteu tami llellipun?

Tati Biblia pengeli chumngechi Jehová allcütuquefi quiñeque llellipun. Quiñeque che mülelu cuifi inaduamlu chumngechi ñi allcütuñmaqueteu ñi llellipun, doi maneluhuingün Jehová mu. Ngillatufiliyiñ Jehová, feipiafiyiñ chem taiñ duamnieel. Ca femngechi cüme ngüneduamnieaiñ chumngechi taiñ allcütuaeteu. Loncontucuaiñ: quiñeque mu, pediquefiyiñ ta Jehová quiñe dungu huelu ca dungu ta eluafeiñmu. Cam doi dungu ta eluafeiñmu (2Co 12:7-9; Ef 3:20). Llellipufiliyiñ Jehová, ¿chumngechi huiñoldunguafui?

• Eluafeiñmu nehuen, cüme felen ca taiñ feyentuleal, femngechi taiñ chaftuafiel huesaque dungu (Flp 4:13).

• Eluafeiñmu ta quimün taiñ cüme femal (Snt 1:5).

• Eluafeiñmu taiñ yafüluucüleal ca taiñ cüpa cüdaucüleal (Flp 2:13).

• Tüngduamelafeiñmu fill raquiduamcüleliyiñ (Flp 4:6, 7).

• Jehová ñi duam mu, pu peñi ca pu lamngen eluafeiñmu taiñ duamnieel ca yafültucuafeiñmu (1Jn 3:17, 18).

• Jehová quelluafui feitachi che taiñ ngillatuñmaquefiel (Hch 12:5, 11).

PEFINGE TI VIDEO TAKESHI SHIMIZU: JEWBA TATI “ALLKÜTUKELU TATI LLELLIPUN”, CA HUIÑOLDUNGUNGE TI MÜLEYECHI RAMTUN:

• Müte cüdahuelhuenofiliyiñ Jehová taiñ cutrancülen mu, ¿chumngechi quelluafeiñmu tañi femün ti peñi Shimizu?

• ¿Chumngechi inayentuafuiñ taiñ peñi Shimizu?