Cüme raquiduamaimi inei engu tami niehual

Quiñe huentru ca quiñe domo cüme yeuquelu tañi curehuen-ngen ayüucüleingu ca püramyequefingu Jehová (Mr 10:9). Quiñe cristiano ngüneduamfile Biblia ñi ngülam ñi dullial tañi afcadi, ayüucüleai tañi curehuen-ngen.

Cümeafui quiñe cristiano ñi curengeal cam fütangeal rupale tañi huechengen. ¿Chumngelu? Pu rume huechelechi che ngüneulayafui cudumuhun dungu mu, fei cüme raquiduamlayafui (1Co 7:36). Pu peñi ca pu lamngen allmalltuafui tañi cauchulen mu tañi doi cüme hueniyeafiel Jehová ca ñi inayentuafiel ñi chumngen. Femngechi doi cüme pepicaucüleai ñi ayüucüleal tañi curehuen-ngen mu.

Petu tami nieunon quiñe che engu, eluunge tami cüme quimafiel (1Pe 3:4). Ngüneduamfilmi quiñeque dungu tami müte ayüquenofiel ti che mu, nütramcayafimi. Tami curehuen-ngen mu, raquiduamcüleaimi tami afcadi tañi cüme feleal, eimi mu müten raquiduamcülelayaimi tami cüme femngeal (Flp 2:3, 4). Cümeafui tami inayafiel Biblia ñi ngülam petu tami nieunon quiñe che engu. ¿Chumngelu? Deu nieulimu, cüdautulayaimu tamu inayafiel. Ca femngechi ayüucüleaimi.

PEFINGE TI VIDEO PEPICAUCÜLENGE TAMI NIEAL AFCADI (TROQUIÑ 3): ‘NENTUCUENTAYAIMI’, CA HUIÑOLDUNGUNGE TI MÜLEYECHI RAMTUN:

• Ellaca mu, ti lamngen ¿chumngechi yeuquefui Shane engu?

• Ti lamngen doi cüme quimürpufilu ta Shane, ¿chem rupai?

• Tañi ñuque ca tañi chau, ¿chumngechi quellueyu? Fei, ¿chumi?