12-18 FEBRERO

SALMOS 5-7

Ülcantun 118 ca ngillatun | Nütram amulcünual chi trahun (1 min.)

BIBLIA ÑI FALIN DUNGU

1. Huesa femfule rume caquelu, püntütripalayaiñ Jehová mu

(10 min.)

Quiñeque mu, David ayüucülehuelafui pefiel mu ñi huesa femmequen caquelu che (Sl 6:6, 7).

David llellipufi Jehová tañi quelluaeteu (Sl 6:2, 9; w21.03 pag. 15 parr. 7, 8).

David rume maneluucülefui Jehová mu, feimu turpu famtripalai quisu mu (Sl 6:10).

Huecun Trahunhue Ruca mu, quiñe lamngen huirarcafi cangelu. Despue, feiti lamngen huirarcangelu llellipufi Jehová tañi ruca mu.

RAMTUUNGE: “Caquelu che huesa femfule rume, ¿eluucülequen ñi maneluhual Jehová mu ca ñi püntütripanoal quisu mu?” (w20.07 pag. 8, 9 parr. 3, 4).

2. Cüme quintuafiyiñ falinque dungu Biblia meu

(10 min.)

Sl 5:9. Biblia feipi pu huesaque che ñi pel quiñe nülalechi rüngan reque felei, ¿chumngelu am? (it-2-S pag. 1005).

Huiñoldungun
Tami papeltufiel Biblia tüfachi semana, ¿chem quimeltun ayüafuimi tami feipial?

Huiñoldungun

3. Papeltun Biblia

(4 min.) Sl 7:1-11 (th quimeltun 10).

CÜME QUIMELTUCHEFENGEAIÑ

4. Eluunge tami nütramcacheal

(3 min.) FILL RUCA MU. (lmd quimeltun 1 troquiñ 3).

5. Eluunge tami nütramcacheal

(2 min.) CHEU RUME MÜLELMI. Nütramcalayafimi ti che Biblia mu. Huelu quimfalcünuafimi tami testigongen (lmd quimeltun 2 troquiñ 4).

6. Huiño pemetufinge ti che

(2 min.) FILL RUCA MU. Ti che ayüniei tañi cüpa quehuayal müten (lmd quimeltun 4 troquiñ 5).

7. Quimfalcünunge tami feyentuqueel

(4 min.) Pengelngemequei ti nütram. ijwfq articulo 59 parr. 13, 14. Dungu: Pu Dunguquelu Ineingen Jehová, ¿chumngelu conquelaingün mapuche ngillatun mu? (lmd quimeltun 3 troquiñ 4).

TAIÑ CRISTIANO MONGEN

Ülcantun 99

8. ¿Chum tripai taiñ cüdau rupachi tripantu mu?

(15 min.) Ngüneduamngeal pu che engün. Hune papeltungeai ti quimelün dungu cüpalu Betel mu nütramcalu ñi chum tripan taiñ cüdau. Fei hula mangelafuimi pu che ñi feipial engün chem doi ayüfingün ti troquiñ Ñi femel pu Dunguquelu Ineingen Jehová com mapu püle tati tripantu ñi cüdahuelngequeel ta Jehová 2023. Feipifinge quiñe peñi ca lamngen ñi nütramcayal chumngechi ñi tripan tañi amuldungun rupachi tripantu mu, femngechi com ti trahunche ñi allcütual ca ñi yafültucungeal.

9. Chillcatun Biblia Trahunche mu

(30 min.) bt cap. 5 parr. 16-22, huichulechi dungu pag. 42.