19-25 FEBRERO
SALMOS 8-10
Ülcantun 2 ca ngillatun | Nütram amulcünual chi trahun (1 min.)
1. “Com piuque mu püramyeayu Jehová”
(10 min.)
Chau Jehová fentren cümeque dungu femquei iñchiñ mu (Sl 8:3-6; w21.08 pag. 3 parr. 6).
Iñchiñ nütramcaquefiyiñ caquelu che Jehová ñi deumael mu, femngechi püramyequefiyiñ (Sl 9:1; w20.05 pag. 23 parr. 10).
Cafei com taiñ piuque mu ülcantulelfiliyiñ, ca püramyeafiyiñ (Sl 9:2; w22.04 pag. 7 parr. 13).
RAMTUUNGE: “¿Chumafuiñ tañi püramyeafiel ta Chau Jehová?”.
2. Cüme quintuafiyiñ falinque dungu Biblia meu
(10 min.)
Sl 8:3. Raquiduamlu Jehová ñi deumael mu, ¿chem quimürpui ta David? (w23.03 pag. 18 parr. 14).
Tami papeltufiel Biblia tüfachi semana, ¿chem quimeltun ayüafuimi tami feipial?
3. Papeltun Biblia
(4 min.) Sl 10:1-18 (th quimeltun 11).
4. Eluunge tami nütramcacheal
(3 min.) FILL RUCA MU. Ti ngen ruca feipieimu: “Iñche nien mapuche feyentun, feyentuquelafiñ pu huinca ñi Dios” (lmd quimeltun 5 troquiñ 4).
5. Huiño pemetufinge ti che
(4 min.) CHEU RUME MÜLELMI. Nehue chumül quiñe che feipieimu ñi feyentuquenon Dios mu, huelu feula eluucülei ñi quimal chumngelu cai feyentuafui ñi mülen quiñe Dios deumalu itrocom (th quimeltun 7).
6. Hueupin
(5 min.) w21.06 pag. 6, 7 parr. 15-18. Dungu: Quelluafiyiñ ti estudiante ñi poyenieafiel Jehová (th quimeltun 10).
Ülcantun 10
7. Cheu rume miyahulmi, eluunge tami nütramcacheal
(10 min.) Ngüneduamngeal pu che engün.
Amuldungulelfiliyiñ pu che cheu rume miyauliyiñ, püramyeafiyiñ ta Jehová (Sl 35:28). Ellaca mu, müllmüllcüleafuiñ. Huelu eluuliyiñ taiñ nütramcayafiel ta che, cüdaungelayai ñi amuleal taiñ nütram. Femngechi doi adümuhuaiñ ñi nütramelafiel ta che ca ayühuaiñ taiñ femal.
Pengelnge ti VIDEO Amuldunguaiñ tati “cüme tüngün huerquen dungu”: Eluucüleaiñ taiñ nütramcacheal. Fei hula ramtunge:
Ñi feipin tüfachi video, ¿chumngechi quelluafeiñmu taiñ amuldungucheal cheu rume miyauliyiñ?
Peaiñ quiñeque ngülam chumngechi taiñ amulal quiñe nütram:
Tripalmi ruca mu, eluucüleaimi tami nütramcayafiel chem che rume. Llellipuafimi Jehová ñi peal che cüme piuquengelu.
Huenicacheaimi ca duamtucheaimi. Cüme ngüneduamnge chem quimeltun mülelu Biblia mu ayüafui ñi nütramcangeal ta che.
Cümefule, eluafimi tami numero ca ramtuafimi quisu ñi numero.
Nütramcafilmi, huelu pepi amuldungunofilmi, huesa duamquilnge.
Afle ti nütram, raquiduamtucunieafimi feichi che. Mensaje mu mandalelafuimi quiñe enlace ñi papeltual Biblia cam quiñe troquiñ jw.org mu.
Tüfachi dungu femafuimi: Ramtungelmi: “¿Chum amulei tami cüdau?”, cam “¿tunten familia nieimi?”, fei feipiafuimi chem pi Biblia cüdau mu ca chumngechi tremümngeal pichiqueche.
8. ¿Chem duamniei taiñ trahunche?
(5 min.)
9. Chillcatun Biblia Trahunche mu
(30 min.) bt cap. 6 parr. 1-8 ca ¿Chem ngüneduamngeai troquiñ 2?