Watchtower INTERNET MÜLEYECHI LIFRU
Watchtower
INTERNET MÜLEYECHI LIFRU
mapudungun
ü
  • ñ
  • Ñ
  • ü
  • Ü
  • BIBLIA
  • FILLQUE PUBLICACION
  • FILLQUE TRAHUN
  • w21 febrero pag. 14-19
  • ¿Tunten autoridad niey pu longkolelu?

Ngelai video tüfachi troquiñ meu.

Müna huesa, pepi pengelngelai ti video.

  • ¿Tunten autoridad niey pu longkolelu?
  • Ti Werken Kimeldungumekey Jewba ñi Ngünenien (ñi chillkatungeal) 2021
  • Fillque subtitulo
  • Ca femngechi dungu
  • ¿CHEM RAKIDUAMAIÑ TAIÑ PU LAMNGEN MU?
  • KOM PU PEÑI, ¿LONGKOLEPEY MAY KIDUKE PU LAMNGEN MU?
  • PU NGEN FAMILIA KA PU LONGKOLELU, ¿CHEM AUTORIDAD NIEY?
  • YAMNIEAFIYIÑ TAIÑ LONGKO, JESUKRISTO
  • ‘Kristo longkoley ta kom wentru mew’
    Ti Werken Kimeldungumekey Jewba ñi Ngünenien (ñi chillkatungeal) 2021
  • Kelluntukuafiyiñ taiñ pu lamngen
    Ti Werken Kimeldungumekey Jewba ñi Ngünenien (ñi chillkatungeal) 2020
  • ¿Yamquefimi pu domo Jehová reque?
    Ti Huerquen Quimeltumequei Chau Jehová ñi Gobierno (ñi chillcatungeal) 2024
  • Falintuafiyiñ kake kiñeke taiñ pu peñi, pu lamngen
    Ti Werken Kimeldungumekey Jewba ñi Ngünenien (ñi chillkatungeal) 2020
Ca pefinge
Ti Werken Kimeldungumekey Jewba ñi Ngünenien (ñi chillkatungeal) 2021
w21 febrero pag. 14-19

TROKIÑ ÑI CHILLKATUNGEAL 7

¿Tunten autoridad niey pu longkolelu?

“Kristo longkoley tañi trokiñche mew” (EFES. 5:⁠23).

137 ÜLKANTUN Pu domo nor piwkengelu, sakifalingün

¿CHEM KIMAIÑ?a

1. ¿Chumngelu am fente kiñewküley Jewba tañi trokiñche?

KOM iñchiñ rume ayüwküleiñ Jewba tañi trokiñche mu, ¿chumngelu fente kiñewküleiñ ka küme felekeiñ? Jewba elufi ta kiñeke che ñi longkoleal tañi trokiñche mu ka kom iñchiñ eluwküleiñ taiñ yamnieafiel engün. Feymu doy eluwküleliyiñ taiñ adniengeal, doy kiñewküleaiñ.

2. ¿Chem ramtun inaduamaiñ tüfachi trokiñ mu?

2 Tüfachi trokiñ mu inaduamaiñ iney engün longkoley ti trawünche mu. Kafey inaduamaiñ tüfachi ramtun: Jewba, ¿chem küdaw elfalkünufi pu lamngen trawünche mu? ¿Kom pu peñi pemay longkoley kake kiñeke lamngen mu? Pu ngen familia chumngechi ñi longkolen tañi pu che mu, ¿ka femngechi femafuy pu longkolelu ti trawünche mu? Wünelu mu peaiñ chumngechi müley taiñ trokiafiel pu lamngen ti trawünche mu.

¿CHEM RAKIDUAMAIÑ TAIÑ PU LAMNGEN MU?

3. ¿Chem kelluafeiñmu taiñ doy falintunieafiel taiñ pu lamngen?

3 Taiñ pu lamngen küme cuidaniekefi tañi pu che, newentu amuldungukeyngün ka eluwküleyngün ñi kelluafiel pu trawünche. Feymu rume falintuniekefiyiñ. Welu ngüneduamliyiñ ñi chem rakiduamken Jewba ka Jesus taiñ pu lamngen mu, doy falintunieafiyiñ. Kafey rume kelluafeiñmu ngüneduamal Pablo tañi chumngechi trokiniefiel pu lamngen.

4. Tati Biblia, ¿chumngechi pengelkey Jewba ñi trür falintuniefiel pu wentru ka pu domo?

4 Tati Biblia pengeli Jewba ñi trür falintuniefiel pu wentru ka pu domo. Pu wünenke cristiano ñi antü mu, Jewba trür elukefi ñi newen pu peñi ka pu lamngen, femngechi femürpuyngün afmatun dungu ka dunguyngün kakerume dungun mu (Hecho 2:⁠1-4, 15-18). Kafey Jewba dullifi kiñeke peñi, kiñeke lamngen ñi amual wenu mu fey ñi ngünenieal Jesus engu (Gal. 3:⁠26-29). Ka femngechi pu wentru ka pu domo elungeyngün ñi rumel mongeleal Mapu mu (Apok. 7:⁠9, 10, 13-15). Kafey Jesus werküfi pu wentru ka pu domo ñi kimeltucheal ti kümeke dungu (Mat. 28:⁠19, 20). Inaduamnge Prisila tañi rupan. Feyti lamngen tañi füta engu, Akila pingelu, kellufingu ta Apolu ñi doy küme adümafiel ti rüf dungu (Hecho 18:⁠24-26).

5. Ñi feypin Luka 10:⁠38, 39, 42, ¿chumngechi pengeli Jesus ñi respetakefiel pu domo?

5 Jesus respetakefi pu domo. Pu fariseo doykülelu pu domo mu trokiwkefuyngün, feymu dungukelafingün kakelu che tañi adkiñ mew ka turpu enseñakelafingün Chaw Dios tañi dungu. Welu Jesus femngechi femkelafuy, doy may trür enseñakefuy pu wentru, pu domo falinke dungu Chaw Dios mu (papeltunge Luka 10:⁠38, 39, 42).⁠b Kafey Jesus elufi kiñeke domo ñi compañaetew petu amuldunguyawlu fillke waria püle (Luka 8:⁠1-3). Wiñomongetulu Jesus werküfi kiñeke domo ñi feypiafiel ñi pu apostol, femngechi pengeli ñi falintuniefiel pu domo (Juan 20:⁠16-18).

6. Pablo, ¿chumngechi pengeli ñi respetakefiel pu domo?

6 Pablo pengeli ñi respetakefiel pu domo. ¿Chumngelu feypiafuiñ? Küme ngülamfi ta Timotew ñi yamnieafiel pu domo, feypifi tati “pu kuseke püllü yamnieafimi kisu tami ñuke reke” ka “tati pu üllchake domo, kisu tami deya reke trokiafimi” (1 Tim. 5:⁠1, 2). Pablo rume kellufi ta Timotew ñi küme weniyeafiel ta Jewba, welu kimniefuy Timotew wünelu mu ñi kelluetew tañi ñuke ka tañi chuchu (2 Tim. 1:⁠5; 3:⁠14, 15). Pablo wirintukulelfilu ñi carta tati pu romano üytufi kiñeke lamngen. Falintukefi kom ñi femken feytachi pu lamngen, feymu sakifi engün (Rom. 16:⁠1-4, 6, 12; Filip. 4:⁠3).

7. ¿Chem ramtun ngüneduamaiñ fewla?

7 Chumngechi taiñ ngüneduampeel, Biblia pengeli trür femngechi falin-ngey pu peñi ka pu lamngen. Taiñ pu lamngen piwkeyechekeyngün ka fürenechekeyngün, feymu pu longkolelu kimniey taiñ pu lamngen rume kelluntukukey ñi kümelkaleal ti trawünche. Welu müley kiñeke ramtun taiñ ngüneduamal: ¿Chumngelu Jewba ayüniey pu lamngen ñi munul-longkokünuwal kiñeke mu? Pu peñi müten elfalkünungey ñi longkoleal ka ñi siervo ministerial ngeal, ¿pengelkepeeiñmu may tüfa kom pu peñi ñi longkoleal kiduke pu lamngen mu? Peafiyiñ.

KOM PU PEÑI, ¿LONGKOLEPEY MAY KIDUKE PU LAMNGEN MU?

Wenu mu Jesus anüley ñi ülmen wangku mu. Fey Jewba ñi pelon puwi Jesus mu. Doy nagaltu müley kiñe trawünche, kiñe familia trür poyemekefi ta Jewba ka kiñe lamngen kidu papeltumekey Biblia. Tüfachi dungu ka pengelngey parrafo 8, ka parrafo 11 puwlu 14.

8. Ñi feypin Efesio 5:⁠23, ¿chumngelu pu peñi longkolelay kiduke pu lamngen mu?

8 Pu peñi longkolelay kiduke pu lamngen mu, Kristo may longkoley pu lamngen mu (papeltunge Efesio 5:⁠23). Familia mu, ti wentru longkoley ñi domo mu, welu kiñe wentru püñeñ fautizalele longkolelayafuy tañi ñuke mu (Efes. 6:⁠1, 2). Kafey trawünche mu pu longkolelu adniefi pu peñi ka pu lamngen, welu doy üye püle amulayafuyngün (1 Tes. 5:⁠12; Eb. 13:⁠17). Ti pu fütangenochi lamngen tripatule tañi chaw ñi ruka mu yamnieafi, welu ñi chaw longkolewelayay kidu mu. Ka femngechi pu fütangenochi lamngen yamniefi pu longkolelu, welu Kristo müten longkoley kiduke pu peñi ka pu fütangenochi lamngen mu.

Kiñe lamngen kidu papeltumekey Biblia.

Pu kurengenolu ka pu fütangenolu mülewenole tañi chaw ñi ruka mu, Jesus müten ta longkoley fey engün mu. (Inaduamnge parrafo 8).

9. Pu lamngen, ¿chumngelu müley ñi munul-longkokünuwal kiñeke mu?

9 Feyngey, Chaw Jewba elulafi pu domo ñi longkoleal ti trawünche mu, wentru may elungey (1 Tim. 2:⁠12). Kafey Jesus longkoley pu wentru mu. Kom femngechi elkünuy Jewba ñi adküleal tati trawünche. Feymu duamfalngele pu lamngen ñi femal chem küdaw rume pu wentru müten tañi femken, Jewba werküeyew tañi munul-longkokünuwal (1 Kor. 11:⁠4-7).⁠c Tüfa pengelkelay ñi doy falin-ngen pu wentru. Doy may pu domo femngechi pengelafuy ñi ayüwünkechi inaniefiel Jewba tañi adkünuel, feymu Jewba werküeyew ñi munul-longkokünuwal kiñeke mu. Welu, ¿tunte puwkey ñi autoridad pu ngen familia ka pu longkolelu? Peafiyiñ.

¿Chumül müley ñi munul-longkokünuwal pu lamngen?

Kiñe lamngen adniefi ti trawün ñi amuldungual. Fey anüley ka munulniey ñi longko.

Pu domo kimnole chumül ñi munul-longkokünuwal, kümeafuy ñi ramtuwal tüfachi küla ramtun:

  1. 1. Newentu llellipuli ka kimeltucheli, ¿mülepeay may kiñe wentru fautizawkülelu? (1 Kor. 11:⁠4, 5).

  2. 2. Femli kiñe küdaw ti trawünche ngealu ka mülenole kiñe wentru fautizawkülelu, ¿pu wentru müten ñi femafel tüfachi küdaw? (1 Tim. 2:⁠11, 12; Eb. 13:⁠17).

  3. 3. Newentu llellipuli ka kimeltucheli, ¿ka mülepeay may tañi füta? (1 Kor. 11:⁠3).

Kiñe rume tüfachi ramtun, “may” pile ti lamngen, müley ñi munul-longkokünuwal. Welu kom tüfachi ramtun “no” pile ti lamngen, duamfal-lay ñi munul-longkokünuwal.⁠e

PU NGEN FAMILIA KA PU LONGKOLELU, ¿CHEM AUTORIDAD NIEY?

10. Kiñeke longkolelu, ¿chumngelu ayünieafuy ñi feypiafiel pu peñi ka pu lamngen chem ñi femal?

10 Pu longkolelu piwkeyefi ta Jesus ka piwkeyefi pu ufisa ñi elfalkünuetew Jewba ka Jesus (Juan 21:⁠15-17). Kiñeke longkolelu ngen familia trokiwafuy ti trawünche mu, femngechi “doy küme cuidayafiñ engün” piafuy. Feytachi pu longkolelu rakiduamafuy chi: “Pu ngen familia feypikefi tañi pu che chem tañi chumal fey ñi kümelkaleal engün. Feymu iñche ka femngechi feypiafun pu peñi ka pu lamngen chem tañi chumal engün” piafuy. Kafey kiñeke peñi, kiñeke lamngen ramtukefi kiñeke longkolelu chem tañi chumal engün, feymu tüfa engün ngen familia reke trokiwafuyngün trawünche mu. Welu pu longkolelu ka pu ngen familia, ¿trürkülepeyngün may tañi autoridadkülen? Peafiyiñ.

Kiñe longkolelu wewpitumekey trawün mu.

Pu longkolelu piwkeyeniefingün pu peñi, pu lamngen ka kellukefi engün ñi fülmawküleal Chaw Jewba mu. Welu ka femngechi Jewba elueyew autoridad ñi wemünentuafiel pu culpalu repentiwkenolu. (Inaduamnge parrafo 11 ka 12).

11. ¿Chem dungu mu trüri ñi autoridadkülen pu ngen familia ka pu longkolelu?

11 Apostol Pablo feypi ñi autoridadkülen pu longkolelu ka pu ngen familia trürküley kiñeke dungu mu (1 Tim. 3:⁠4, 5). ¿Chumngelu feypiafuiñ? Jewba ayüniey ti familia ñi allkütuafiel tati ngen familia, ka femngechi ayüniey ti trawünche ñi allkütuafiel pu longkolelu (Kol. 3:⁠20). Ti ngen familia müley ñi kelluafiel tañi pu che ñi küme weniyeafiel ta Jewba, ka femngechi pu longkolelu kellukefi pu peñi ka pu lamngen. Ti ngen familia müley ñi küme duamelafiel tañi pu che, ka femngechi müley ñi femal pu longkolelu ti trawünche mu. Pu ngen familia kellukefi tañi pu che rupan mu ta wedake dungu, ka femngechi pu longkolelu kellukefi iney rume duamnielu kellu ti trawünche mu (Sant. 2:⁠15-17). Jewba ka ayüniey pu ngen familia ñi kelluafiel tañi pu che ñi inayal chem pin ta Biblia, ka femngechi müley ñi femal pu longkolelu ti trawünche mu. Kafey Jewba ayüniey pu ngen familia ka pu longkolelu ñi “doy amulkünunoal” Biblia tañi feypin mu (1 Kor. 4:⁠6).

Kiñe peñi adniefi ñi familia ñi trür poyeafiel ta Jewba.

Pu ngen familia elungey autoridad ñi adnieafiel tañi pu che. Welu pu kümeke ngen familia ramtuafi tañi domo chem rakiduamkey, fey wüla dulliay chem tañi chumal. (Inaduamnge parrafo 13).

12, 13. Ñi feypin Proverbios 6:⁠20, ¿chem dungu mu trürlay ñi autoridadkülen pu ngen familia ka pu longkolelu?

12 ¿Chem dungu mu trürlay ñi autoridadkülen pu ngen familia ka pu longkolelu? Chaw Jewba elufi pu longkolelu müten ñi juzgayafiel pu culpalu ti trawünche mu. Feychi repentiwtunole, wemünentungeafuy ti trawünche mu (1 Kor. 5:⁠11-13).

13 Kiñeke dungu pu ngen familia müten elungey ñi femal, welu pu longkolelu ngelay ñi femal. Por ejemplo, pu ngen familia müten feypiafuy tañi pu che chem tañi chumal engün. Biblia feypi: “Fotüm, inafinge ñi werküetew tami chaw, ka famentulayaymi ñi kimeltuetew tami ñuke” (Proverbios 6:⁠20). Pu ngen familia müten feypiafuy tañi pu fotüm ka ñawe chem hora müley tañi akual ruka mu. Fey inangenole tañi feypin, pu ngen familia norümafuy tañi fotüm ka ñawe (Efes. 6:⁠1). Welu pu kümeke ngen familia kimniey tañi domo engu kiñe chengetuyngu. Feymu petu ñi feypinoafiel tañi pu che chem tañi chumal engün, ramtuafi tañi domo chem tañi rakiduamken (Mat. 19:⁠6).⁠d

YAMNIEAFIYIÑ TAIÑ LONGKO, JESUKRISTO

Wenu mu Jesus anüley ñi ülmen wangku mu. Fey Jewba ñi pelon puwi Jesus mu.

Jesus, Jewba tañi adnieetew mu longkoley ti trawünche mu. (Inaduamnge parrafo 14).

14. 1) Ñi feypin Marku 10:⁠45, ¿chumngelu rume kümey Jewba ñi longkokünufiel ta Jesus? 2) ¿Chumkey tati Cuerpo Gobernante? (Inaduamnge ti wichulechi dungu “¿Chumkey tati Cuerpo Gobernante?”).

14 Jewba wüli tañi Fotüm ñi lapayal kom tati pu che mu, femngechi Jewba ngillafi reke tañi trokiñche (papeltunge Marku 10:⁠45; Hecho 20:⁠28; 1 Kor. 15:⁠21, 22). Feymu, rume kümey Jewba ñi longkokünufiel ta Jesus. Tañi longkolen mu ta Jesus feypiafuy pu che, pu familia, pu trawünche chem tañi chumal engün. Ka adniekefi ñi inaniengeal tañi feypin (Gal. 6:⁠2). Welu Jesus re feypikelaeiñmu chem taiñ chumal, doy may piwkeyenieeiñmu ka cuidaniekeeiñmu (Efes. 5:⁠29).

¿Chumkey tati Cuerpo Gobernante?

Ti Cuerpo Gobernante trawüley.

Tati Cuerpo Gobernante ngenkawkelay iñchiñ taiñ feyentun mew (2 Kor. 1:⁠24). Fey engün kimnieyngün Kristo tañi longkolen ti trawünche mu. Kiñewküleyngün Jesus tañi feypin mu: kom iñchiñ taiñ peñiwen-ngen ka lamngenwen-ngen (Mat. 23:⁠8). Ka femngechi rume piwkeyeniefingün tañi pu peñi ka pu lamngen ka chumkeyngün rume ñi eluafiel kom tañi duamnieel engün. Jesus tañi adnieetew mu, tati Cuerpo Gobernante wülkey falinke ngülam ñi küme adküleal Jewba tañi trokiñche wall Mapu mu. Ka dullikefingün iney longkolealu fillke sucursal mu ka pu witran-ngepakechi longkolelu (Efes. 4:⁠7-13, TNM). Ka femngechi, pu witran-ngepakechi longkolelu dullikefingün pu peñi longkolealu ti trawünche mu (Hecho 14:⁠23, TNM; Tito 1:⁠5). Kafey tati Cuerpo Gobernante kelluniefi pu peñi, pu lamngen ñi fülmawküleal Jewba mu ka elukefi fentren ngülam tripalu Biblia mu. ¿Chumngechi femkey tüfa? Wülkey fillke carta ka publicacion, entukey JW Broadcasting® ka adkünukey fillke trawün, fütrake trawün ka escuela (Hecho 15:⁠22-35). Kafey rupayüm fütra wedake dungu, fütra kürüftuku mawün, nüyün ka kakelu femngechi dungu, tati Cuerpo Gobernante adkünukey ñi küme kellungeal pu peñi ka pu lamngen. Kom tüfa femkeyngün fente ñi piwkeyefiel pu peñi ka pu lamngen.⁠f

15, 16. Ñi feypin taiñ lamngen Marley ka taiñ peñi Benjamín, ¿eymi chem kimeltueymu?

15 Pu lamngen eluwküley ñi adnieaetew pu longkolelu, femngechi pengelkey ñi yamniefiel ta Jesukristo. Kiñe lamngen Marley pingey, feypi: “Falintuken tañi koneltulen ti trawünche mu ka tañi fütangen mu. Küdawtuafun rume, eluwkülen ñi yamnieafiel tañi füta ka pu longkolelu. Welu rume kelluenew ñi falintunieetew ka yamnieetew tañi füta ka pu longkolelu” pi taiñ lamngen. Ka femngechi rakiduampelay fentren lamngen Jewba tañi trokiñche mu.

16 Pu peñi kimtukuniefile Jewba ñi chumngechi adniefiel tañi trokiñche, yamnieafingün kom pu lamngen. Kiñe peñi Benjamín pingey, feypi: “Doy kimken allkütufiel mu pu lamngen ti trawünche mu. Rume kümeke ngülam entukeyngün chumngechi estudiayal Biblia ka chumngechi kimeltucheal. Rume falintukefiñ kom ñi femkeel engün” pi taiñ peñi.

17. ¿Chumngelu müley taiñ yamnieafiel Jewba ñi chumngechi adniefiel tañi trokiñche?

17 Kom tati trawünche mu pu wentru, pu domo, pu ngen familia ka pu longkolelu yamniefile Jewba ñi chumngechi adnieetew engün, tüngküleay tati trawünche. Ka doyelchi may, püramyengeay taiñ Wenu Fütra Chaw Jewba (Sal. 150:⁠6).

¿CHEM WIÑOLDUNGUAFUYMI?

  • ¿Chem rakiduamaiñ taiñ pu lamngen mu?

  • ¿Kom pu peñi pemay longkoley kiduke pu lamngen mu? ¿Chumngelu?

  • ¿Chem dungu mu trürlay ñi autoridadkülen pu ngen familia ka pu longkolelu?

123 ÜLKANTUN Küme llownieafiyiñ Chaw Dios ñi Ngünenien

a Tüfachi trokiñ mu inaduamaiñ feytachi ramtun: Jewba, ¿chem küdaw elfalkünufi pu lamngen trawünche mu? ¿Kom pu peñi pemay longkoley kake kiñeke lamngen mu? Pu longkolelu ka pu ngen familia, ¿trürkülepeyngün may tañi autoridadkülen?

b Inaduamnge ti trokiñ “Kelluntukuafiyiñ taiñ pu lamngen” parrafo 6, tripalu ti revista Ti Werken septiembre 2020 tripantu.

c Inaduamnge ti wichulechi dungu “¿Chumül müley ñi munul-longkokünuwal pu lamngen?”

d Tami kimal iney dulliay chem trawünche mu ñi müleal kiñe familia, inaduamnge ti trokiñ “Falintuafiyiñ kake kiñeke taiñ pu peñi, pu lamngen” parrafo 17-19, tripalu ti revista Ti Werken agosto 2020 tripantu.

e Tami doy küme adümafiel tüfachi dungu, inaduamnge ti lifru “Rumel mülemün ta Ngünechen ñi piwkeyechen mew”, pagina 239-242.

f Tami doy kimal chumkey ti Cuerpo Gobernante, inaduamnge ti revista La Atalaya 15 julio 2013, pagina 20 puwlu 25.

    Fillque chillca mapudungun mu (1993-2025)
    Tripayaimi
    Conaimi
    • mapudungun
    • Huercülelngeal
    • Chumcünuafimi ti pagina
    • Copyright © 2025 Watch Tower Bible and Tract Society of Pennsylvania
    • Términos y Condiciones de Uso
    • Política de privacidad
    • Configuraciones de privacidad
    • JW.ORG
    • Conaimi
    Huercülelngeal