Papeltulmi, nülanentuaimi reque tami lonco

Pepicauliyiñ taiñ papeltual, ramtuuqueiñ: “¿Chem ayüquen ñi quimal fachantü?”. Rumel nülanieaiñ reque taiñ lonco taiñ quimal hueque dungu Jehová meu cüpalu. ¿Chem quelluafeiñmu?

Feipiafimi Jehová tami eluaeteu quimün. Llellipun mu feipiafimi Jehová: “Chau, ¿chem cüpa quimeltuen am feula?” (Sant. 1:5). Feipiquilnge: “Deu fentren dungu quimürpun”. Huelu mai, eluunge tami doi quimal (Prov. 3:5, 6).

Eluunge tami quelluaeteu Biblia. “Chau Ngünechen ñi dungu niei mongen” (Heb. 4:12). Feimu papeltulmi Biblia, rumel quimaimi hueque dungu cüpalu Jehová mu ca quelluaimu fillque dungu mu, huelu duamfali tami nülanentual reque tami lonco.

Mañumcüleaimi com tami quimeltuqueteu Jehová. Jehová tañi quimeltun quiñe ilelcahun illumngechi iyael mu reque felei (Is. 25:6). Quiñepülecünulayaimi quiñeque dungu ñi feipiel Biblia, quellulayaeneu pilayaimi. Ngüneduamfilmi, Jehová quelluaimu tami doi cüme chengeal ca ayühuaimi tami estudiayal.