Chumngechi chillkatuafuymi Biblia tami kümelkayaetew ka ayüwmayaetew

Josue papeltuy ti Ley dungu; ti kura malal Jerusalen mu trananagi, welu Raab ñi ruka mülekay; Josue wenupüramfi ñi kuwü ngillatun mu

JOSUE elfalkünungey ñi adnieafiel pu israelche ñi konpual ti Feypikünuelchi Mapu mu. Tüfa küdawngefuy, feymu Jewba yafültukueyew feypilen mu: “Fütra piwkekünuwnge ka rume newenkülenge”. Kafey, feypifi ta Josue ‘eymi papeltulmi tañi Ley ka inafilmi, fey kim chengeaymi ka küme felen nieaymi’ (Josué 1:7, 8).

Müleiñ “kuñiwünngechi” antü mew, feymu ka küdawngeafuy taiñ mongen (2 Timotew 3:1). Fey duamfali taiñ inayal Jewba ñi ngülamtufiel ta Josue, femngechi nierpuaiñ küme felen kidu reke. Feymu kümey taiñ fill antü papeltuafiel Biblia ka inayal taiñ kimürpuel taiñ kim chengerpual.

Welu, kiñeke iñchiñ küme adümkelaiñ chumngechi chillkatual, kam ayüwülkelaeiñmu femal tüfa. Femfule rume, müna falin-ngey taiñ kidu chillkatuafiel ta Biblia. Feymu kümeafuy tami ngüneduamal ti trokiñ “Inayafuymi tüfachi ngülam”, tüfa kimeltuafeymu chumngechi tami doy kümelkayaetew ka ayüwülmayaetew tami chillkatufiel Biblia.

Kiñe wentru wirintukulu kiñe salmo famngechi entuy ñi ülkantun: “Adnieen ñi miyawal tami werkün dungu mew, feychi dungu mu am iñche ayüwken” (Salmo 119:35). Ka femngechi müna ayüwmayafeymu tami chillkatuafiel Biblia. Amulelmi tami doy küme adümafiel, kimürpuaymi pütrün falinke dungu.

Adnienofilmi rume kiñe fütra trokiñche chumngechi ñi femel Josue, eymi ka chaftukeymi tami wedake dungu. Feymu, inayentufinge ta Josue, chillkatufinge Chaw Dios ñi Küme Dungu ka inafinge. Femngechi femülmi, nieaymi küme felen ka kim chengerpuaymi.

INAYAFUYMI TÜFACHI NGÜLAM

Ngillatunge petu tami chillkatunon. Chaw Ngünechen ñi rakiduam müley ti Biblia mew, fey tüfa wirintukungey eymi tami kümelkayaetew. Feymu papeltufilmi Biblia, ngillatufinge ta Jewba tami kelluaetew ñi adümafiel tami papeltukeel, kafey “kelluen tañi longkontukual ka inayal tañi kimürpuel” piafimi, femngechi tami kim chengeal (Esdras 7:10).
Ramtuwnge petu tami chillkatumeken. Ngüneduamülmi Biblia kam taiñ fillke papil, ramtuwafuymi: “Tüfa, ¿chem kimeltuenew tañi Chaw Jewba mew? ¿Chumngechi nüwküley Biblia ñi werkün dungu mu? ¿Chumngechi kelluafuiñ kakelu pu che tüfachi kimeltun mew?”.
Rakiduamnge tami papeltun mu. Pichi felenge, ka rakiduamnge chem tami papeltupeel. Ramtuwafuymi: “¿Chum duamelenew tüfachi kimeltun? ¿Chumngelu femngechi duamelenew? Kimfuli tüfa kuyfi mu, ¿chumngechi kellurpuafenew chi? ¿Chumngechi kelluafenew kay famülke mu ka küpalechi antü mew? ¿Chumngechi inayafun tañi mongen mew tüfachi ngülam?” (Job 23:5; Salmo 49:3). Ka rakiduamafuymi: “¿Küme kimnien chumngelu Jewba feypifi tañi pu che ñi femnoal kiñeke dungu?”. Kafey rakiduamnge: “Tüfachi nütram tañi dew papeltuel, ¿chem rupayafuy ka dungu dullifule ti che ñi femal?” (Deuteronomio 32:28, 29).
Peyeniewnge reke tati nütram mu. Rakiduamafuymi Jose tañi nütram mu, tañi pu peñi fendeeyew ta pu ismaelche mu, ¿mülelu ti nütram mu trokiwküleymi? (Génesis 37:18-28). ¿Adkintuafuymi, allkütuafuymi ka nümünümütuafuymi reke ti rupan dungu? Ramtuwafuymi: “¿Chum duamküley pu che ti nütram mu? ¿Chem rakiduamkeyngün?”. Femngechi peyeniewülmi reke fillke nütram mu, doy kümelkayaeymu tami chillkatupeel.
Allmalltunge fillke kellun tami chillkatuafiel ti Biblia. Jewba ñi trokiñche wülkey fillke kellun internet kam papel mu. Tüfa kelluafeymu tami doy ayüwmayaetew tami chillkatuel. Kimürpuafuymi chumngechi pepilafiel feychi kellun ñi mülen mapudungun ka wingkadungun mew. Kafey, tami küme pepilafiel, yewelayaymi tami “kelluen” piafiel ta kakelu. Tüfa ta kiñeke kellun: INTERNET MÜLEYECHI LIFRU Watchtower ka tati Guía de estudio para los testigos de Jehová, fey tüfa kelluaeymu tami doy kimal fillke dungu ka tami doy adümafiel fillke versikulo Biblia mew. Kafey tati papil Guía para el estudio de la Palabra de Dios kelluaeymu tami doy kimal ñi chumlekefel ta mapu fütra kuyfi mew, chumül ñi rupan falinke nütram, ñi chumlekefel ta mongen ka fillke dungu.
Rakiduamtukunge ti doy falinke dungu. Tüfa kelluaeymu tami longkontukual chem tami chillkatupeel. Kafey doy kümeafuy nütramkalelfilmi ta kakelu chem tami kimürpuel. Rakiduamnge: “Tüfachi dungu, ¿chumngechi kelluafenew amuldungun mu?”. Femülmi tüfa, longkontukuaymi ti doy falinke dungu ka kelluafimi ta kakelu tami kimürpuel.