Pu papeltuquelu ñi ramtuqueel
Pichin mu, ¿chem raquiduamelafi Jehová pu gobierno?
¿Chem rupayai epe conle ti fütra cutrancahun? Apocalipsis 17:16, 17 feipi: “Ti mari müta tami peel ca ti huapo huesa culliñ üdeafingün tati cüri domo, müntuñmayafingün com tañi nieel ca triltrangcünuafingün. Iñmayafingün tañi fün ca com lüpümafingün. Chau Dios raquiduamelfi engün ñi femal tañi ayünieel. Quiñeucülei tañi raquiduam engün, eluucülei engün ñi eluafiel autoridad tati huapo huesa culliñ ñi lonco ülmencüleal femtripale hula Chau Dios ñi feipin”. ¿Chem adentulei tüfa? Cuifi mu, taiñ publicacion feipiquefui Jehová ñi eluafiel pu gobierno quiñe rume raquiduam ñi apümcayafiel coilaque religion.
Huelu feula caletui taiñ feipiquefel cuifi. Feula quimürpuiñ Jehová ñi raquiduamelafiel pu gobierno “ñi eluafiel autoridad tati huapo huesa culliñ ñi lonco ülmencüleal”. ¿Chumngechi femtripayai tüfachi dungu? Taiñ quimal, huiñoldunguaiñ quiñeque ramtun.
¿Inei engün coneltulei tüfachi profecia? “Tati cüri domo”, “Fütra Babilonia” ca pingelu, adentulei com coilaque religion. Tati quelü “huapo huesa culliñ” adentulei tati Organización de las Naciones Unidas. Feitachi troquiñche 1919 tripantu mu adcünungei ñi tüngcüleal com mapu, Sociedad de Naciones pingequefui hunelu mu (Apoc. 17:3-5). Tati “mari müta” adentulei com pu gobierno quelluntucuquefilu ti huapo huesa culliñ.
¿Chumngechi coneltulei ti cüri domo ca ti quelü huapo huesa culliñ mu? Tati cüri domo anülei huente tüfachi huapo huesa culliñ mu. ¿Chem pin am tüfa? Ti cüri domo quelluquefi ca ayüquei ñi ngünenieafiel.
¿Chem dungu mu rupayai tati cüri domo? Tati huapo huesa culliñ ca tati mari müta “üdeafingün tati cüri domo”. Feimu müntuñmayafingün com tañi nieel ca quimfalcünuafi ñi huesalcamequen. Fei apümcayafi, femngechi femtripayai Jehová ñi feipicünuel (Apoc. 17:1; 18:8). Ca femngechi fentepuai com ti coilaque religion. Huelu petu ñi rupanon, Jehová raquiduamelafi pu gobierno ñi femal quiñe dungu turpu ñi rupaquenofel.
Jehová, ¿chem raquiduamelafi ñi femal pu gobierno? Taiñ deu peel, Jehová raquiduamelafi pu gobierno “ñi femal tañi ayünieel”. ¿Chem am tüfa? “Ñi eluafiel autoridad” ca “ñi lonco ülmencüleal” tati quelü huapo huesa culliñ, tüfa tati Naciones Unidas (Apoc. 17:13). Raquiduamnge chem pin am tüfa. Pu gobierno quisu ñi ngünehun mu elulayai autoridad tati Naciones Unidas, Jehová mai ta raquiduamelayu engün (Prov. 21:1; ca ngüneduamnge Isaías 44:28). Ñochiquechi femlayaingün, lef ruparumeai. Femngechi tati Naciones Unidas elungele com autoridad, apümafi tati coilaque religion.
Feimeu, ¿chem üngümnieaiñ ñi rupayal cüpalechi antü mu? Üngümlayaiñ pu gobierno ñochiquechi ñi eluafiel tañi autoridad ti Naciones Unidas, doi mai Jehová piuquentucurumelayu engün ñi femal. Femngechi rupale, quimnieaiñ ñi epe aculen ti fütra cutrancahun. Felei llemai, fütra calerumetuai ti dungu, feimu “trepeluucüleaiñ ca cüme raquiduam nieaiñ” (1 Tes. 5:6).