¿Yamniengepeai mai quiñe antü com pu che fillque tuhun-ngelu? ¿Chem pilei Biblia?

Fentren che duamquefui tañi quiñeucüleal com che fillque tuhun-ngelu, huelu turpu quiñeunoalu troquiuquei.

• António Guterres, tati Naciones Unidas ñi secretario general feipi: “Huall mapu mu, illamcangeal pu che tañi tuhun mu fuñapuhue reque felei, üñfituquefi fillque troquiñqueche ca fillque mongen-ngechi che. Tüfachi illamcahun ñi duam mu fentren pu che huesa femngei”.

¿Mülepeafui mai quiñe antü ñi quiñeucüleal com che mapu meu? ¿Chem pilei Biblia?

Chau Dios, ¿chem raquiduamquei fillque tuhun-ngechi che mu?

Biblia quimeltuqueiñmu chem raquiduamquei Chau Dios fillque tuhun-ngechi che mu.

• Chau Dios “quiñe huentru meu müten deumai com pu troquiñche, femngechi ñi müleal engün huall mapu püle” (Hechos 17:26).

• “Chau Ngünechen dullintuchequelai. Doi mai llouquefi inei tañi yamnieteu ca femlu cümeque dungu, chuchi tuhun-ngele rume” (Hechos 10:34, 35).

Biblia feipi com che quiñe tuhun niei müten, ca feipi Chau Dios llouquefi com tuhun-ngechi che.

¿Chumngechi quiñeucüleai fillque tuhun-ngechi che?

Chau Dios ngünenietule ta mapu quelluafi com pu che ñi quiñeucüleal, chem tuhun-ngele rume. ¿Chumngechi femai tüfa? Quimeltuafi com pu che ñi hueluquentu yamniehual. Femngechi com pu che quimürpuai ñi entual tañi piuque mu ti illamcahun.

• ‘Tati pu che mapu meu quimaingün tati nor dungu’ (Isaías 26:9).

• “Femngele rüf norngechi dungu, müleai ta tüngün, ca femngele rüf norngechi dungu, rumel müleai cümelcalen ca cüme felen” (Isaías 32:17).

Famülque mu, fentren che quimnierpuingün Biblia mu chumngechi yamnieafiel ca cüme duamtunieafiel caquelu che.

• Tami doi quimal, papeltunge ti revista ¡Tami quimafel! feipilelu “¿Chem chumafuymi tami illamkachewenoal?”.

• Tami quimal chumngechi pu chau nütramcayafui tañi pu pichiqueche tüfachi dungu mu, huincadungun mu papeltunge ti troquiñ “¿Cómo hablar con sus hijos sobre el racismo?”.