¿Cümepei mai ti huentru ñi nieal fentren domo?

Biblia ñi quimeltuqueel

Cuifi mu Chau Ngünechen eluñmai pu huentru ñi nieal fentren domo (Génesis 4:19; 16:1-4; 29:18-29). Huelu mai, quisu elcünulai ñi femngechi femngeal, elufilu cai ta Adán quiñe domo müten.

Chau Dios adcünui pu huentru ñi nieal quiñe domo müten, feimu elufi ta Jesús ñi huiño elcünutual ñi chumlequefel ellaca mu (Juan 8:28). Ramtungelu ti curehuen mu Jesús huiñoldungui: ‘Llituca meu müten, feichi deumangelu ta huentru domo engu. Ca feipi: “Feimeu ta huentru ta huichuai ñi chau ca tañi ñuque meu quisu ñi amayehuael ñi cure engu, fei mür quiñe che reque ñi feleael engu”’ (Mateo 19:4, 5).

Rupachi antü mu, Chau Ngünechen adcünufi quiñe discipulo tañi huirintucual: ‘Caque quiñeque huentru felei ñi nieael quisu ñi domo, fei caque quiñeque domo ñi nieael quisu ñi füta’ (1 Corintios 7:2). Biblia ca feipi ti huentru curengelu ñi llohual elfal cüdau ti trahunche mu ‘felei ñi nieael quiñe domo müten’ (1 Timoteo 3:2, 12).