¿Chumngelu laquei pu che?

Biblia ñi quimeltuqueel

Fentren che ca femngechi ramtuuquei, doyelchi mai lan mu tañi piuqueyen che. Biblia ta feipi: ‘Ñi hulqueel ta lan dungu fei ta culpan llemai’ (1 Corintios 15:56).

¿Chumngelu am pu che culpaquei ca laquei?

Ti hunen che, Adán ca Eva, caiñetufi ta Chau Ngünechen, feimu laingu (Génesis 3:17-19). Chau Dios mu “cüpai ti mongen”, feimu culpalu engu, püntütripaingu quisu mu, fei tüfa yeeyu ñi layal (Salmo 36:9; Génesis 2:17).

Adán rulpalelfi com tañi pu cüpanche ti culpan dungu. Biblia feipi: ‘Femngechi llemai, quiñe huentru meu müten mülei ta culpan mapu meu ca femngechi mülei ta lan dungu. Fei tati lan dungu mülei itrocom che meu, itrocom che culpafengelu am’ (Romanos 5:12). Feimu com che laquei culpafengelu am (Romanos 3:23).

Ti lan dungu apümcangeai

Taiñ Fütra Chau feipicünui ñi ‘lümüafiel tati lan dungu’ (Isaías 25:8). Huelu ñi ngehuenoal ti lan dungu, mülei ñi apümafiel cheu ñi tuhun tüfa: ti culpan llemai. Chau Ngünechen diturpuai tüfa Jesucristo mu, quisu am ‘tati montulafilu com mapu mülechi pu che tañi culpan meu’ (Juan 1:29; 1 Juan 1:7).