Kiñeke religion tañi feyentukeel

Pu hindu

¿Chem rakiduamkeyngün? Pu hindu feypikeyngün lan mu pu che fentren rupa wiñomongetuay, fey ka chengetuafuy kam kulliñngetuafuy kütu. Fey pu hindu feypikey pu che wedake dungu femün mu kuyfi, kutrankawkey. Ka femngechi kutrankawafuy tañi fem-meken famülke mu. Welu ka feypikeyngün kiñe che wiñomongetunole, fey kutrankaw-welayay.

Pu musulman

¿Chem rakiduamkeyngün ti kutrankawün mu? Pu musulman feypikey Chaw Ngünechen kutrankakefi tati pu che culpalu kay, ka kutrankakefi engün tañi kimal ñi küme feyentulepen may. Feymu kiñe wentru koneltulelu pu musulman mu feypi: “Taiñ mañumtuafiel ta Ngünechen itrokom kümeke dungu taiñ elukeetew iñchiñ rupakeiñ wedake dungu mu, tüfa tukulpalelkeeiñmu taiñ kelluafiel pu che” (ñi feypiel Sayyid Syeed, longkolelu kiñe trokiñche musulman tuwün-ngelu).

Pu judio

Tüfa ñi feyentuel pu judio: Kiñe che wedake dungu femle, fey ta kutrankaway. Kiñeke judio feyentukey ñi wiñomongetual pu che, fey pu wedalkangelu kullingeay reke tañi weda rupan mu. Kakelu judio feyentukey pu che fentrenke rupa wiñomongeketuy, fey ka chengetuafuy kam kulliñngetuafuy. Chumte rupa rume wiñomongetule ti che, norümafuy ñi weda femel.

Pu budista

Tüfa engün rakiduamkey pu che fentren rupa wiñomongeketuy fillke mongen mew. Fey ti che wedake dungu femwenole ka weda rakiduam niewenole, femngechi müten fentepuway ñi kutrankawün. Kafey ñi sufrilewenoal ta che müley ñi kimchengeal, kümeke dungu femal ka küme rakiduam nieal.

Pu confusionista

Kiñe lifru feypi pu confusionista feyentukey “weda femün mu pu che, kutrankawkey” (A Dictionary of Comparative Religion). Pu confusionista ka feypikeyngün iñchiñ taiñ duam mu müten kutrankawkelaiñ, doy may tati pu püllü kutrankakefi tati pu che, fey pu che pepi ingkawlayafuy kidu engün mu. Welu kiñe che küme yeniele tañi mongen, müte kutrankaw-welayafuy. Tüfa ñi feyentuel pu confusionista.

Kiñeke religion África mapu mew

¿Chem rakiduamkeyngün? Pu che kutrankawkey ti kalku dungu ñi duam mu. Fey feypikeyngün pu kalku pepiluwküley ñi kümelkacheal kam wedalkacheal. Ka feypikeyngün kiñe che wedalkangele, fillke dungu femkey tañi kümelkaletual. Kafey feyentukeyngün pu kalku ñi kutranelcheken, fey kiñe che kutrankülele amukey feychi che tremoltuchekelu kalku dungu mu.

Pu cristiano

¿Chem rakiduamkeyngün? Adan ka Eva ñi culpan mu sufrikey ta che, chumngechi ñi feypin Biblia. Welu kiñeke religion welukünukey ñi feypiel ti Biblia. Fey kiñeke catolico feyentukey pu che kutrankawkelu küme duamelkefi ta Ngünechen, fey Ngünechen tañi füreneafiel tati trokiñche catolicongelu, kam kakelu che kutrankawkülelu.