3. Pu kümeke che kay, ¿chumngelu kutrankawkey?
¿Chumngelu falin-ngey kimal tüfa?
Pefiel mu ñi kutrankawmeken pu kümeke che, müna lladkülkakeeiñmu. Feymu fentren che rakiduamkey: “¿Chumal am nor chengeafun? Chumfuli rume kutrankawafun” feypikey.
Rakiduamnge tüfa
Kiñeke che rakiduamkey lan mu pu che fentren rupa wiñomongeketuy fillke mongen mew. Fey pu che kümeke dungu femkefulu, doy küme felen nieay wiñomongetule feychi mongen mew. Welu pu che wedake dungu femkefulu, wiñomongetuay ñi kutrankawküleal müten, feypikeyngün. Rüfngele tüfachi kimeltun, kiñe che wiñomongetule, chumfule rume ñi küme chengeal, kutrankawafuy kidu tañi femkeelchi wedake dungu tañi kuyfi mongen mew. Welu ramtuwafuiñ:
Feyti küme che ngoymanentulu kay tañi femkeelchi dungu, fey ¿chumngelu kutrankawmeketuafuy?
Felefule taiñ kutrankawal müten, ¿chumal am fente kuñiwtukuwkeiñ taiñ mongen mu? Ka ¿chumal am fente yafüluwkeiñ taiñ kutran-noal?
¿DOY KÜPA KIMFUYMI?
Taiñ sitio jw.org mu, peaymi ti video feypilelu ¿Chumngelu Ngünechen petu katrütulafi ñi mülewenoal kutrankawün?
¿Chem kimeltukey Biblia?
Chaw Dios ñi duam mu kutrankawkelay ta che.
Fey, ¿chem dungu mew kutrankawkey ta che? Chem che rume allfüafuy, ruparumele kiñe weda dungu chew ñi mülen kam tuntukungele. Ngüneduamnge ñi feypin Biblia.
“Tati pu matu lefkelu rumel wewkelayngün ti kuden, tati pu newen-ngelu rumel wewkelayngün ti weychan, tati pu kim chengelu rumel niekelayngün iyael, tati pu pepiluwün-ngelu rumel ülmen chengekelayngün, ka pu kimün nielu rumel küme tripakelayngün rume, kom engün am weda ruparumeafuyngün” (ECLESIASTÉS 9:11).
Pu che culpafe chengey, feymu kutrankawkey.
Fütra weda dungu femle kiñe che, “fey ta culpay” pingey. Welu ti Biblia ka dungu kimeltukey. Feypi kom pu che culpafe chengey, pu kümeke dungu femkelu ka wedake dungu femkelu.
“Petu tañi choyüngenon rume, dew culpafengefun” (SALMOS 51:5a).
Müna wedalkakeeiñmu taiñ culpafe chengen.
Feley, taiñ culpafe chengen mu püntülekeiñ Chaw Dios mew. Welu fey ka müten no. Kafey tati culpan ñi duam mu, tati pu che küme yewkelay, nielay küme rakiduam ka tati Mapu kütu wedalkakefi engün. Feymu kom tati pu che kutrankawkey culpan ñi duam mu. Ngüneduamnge ñi feypin Biblia.
“Ngüneduamuwken tañi ayüniefel ñi femal ta kümeke dungu, welu tati wedake dungu elukelaenew ñi femal tati küme dungu” (ROMANU 7:21).
“Kimnieiñ ta fantepu mew itrofill chemkün nielu mongen ta etüngküley ka kutrankawküley” (ROMANU 8:22).