Abraam... weniyefi ta Ngünechen

DEW RUPACHI ti Fütra Mangiñ Ko, kiñe mülewe mew amuy ta che ñi mongeleam, Ur chi waria pingekefuy. Ur kiñe falin-ngechi waria ngerpuy, mülerkefuy kümeke ruka. Welu ta che mülelu fey mew, lukutukefi koylake dio engün. Ka femngechi femkeyngün Babel mu. Ur che ka Babel che trürlayngün chumngen Noe ka ñi fotüm Sem, fey engu amuley ñi poyekeafiel Jewba.

Af chi, 350 tripantu dew rupalu ti Fütra Mangiñ Ko, ti norngechi wentru Noe larkey. Epu tripantu rupay, choyüy ti wentru pefimi tüfachi adentun mu. Kiñe doy sakin che ngefuy Ngünechen mu. Abraam pingekefuy. Mülekefuy ñi reñma engün feychi Ur waria mu.

Kiñe antü, Jewba feypifi Abraam: ‘Elkünunge Ur ka tami mongenieyeel (mongeyeel), ka amunge kiñe mapu iñche ta pengelelayu.’ Abraam, ¿feyentufi (müngeltufi) ta Ngünechen, ka elkünuy kom feychi küme felen mülekefuy Ur mew? Fey llemay. Ka Abraam rumel feyentufi Ngünechen, kimngelu am Ngünechen ñi weniyefiel.

Kiñe trokiñ Abraam ñi reñma triparkey kidu engün, fey amutulu Ur mew. Tañi chaw Tare ka tripay. Ka tañi malle Lot. Fey may, ñi domo Sara. Mülen antü mu, kom akurkeyngün Aran pingekefuy feychi mapu, ka Tare larkey. Kamapu, mülerkeyngün Ur mew.

Fey wüla, Abraam ka ñi pu che triparkeyngün Aran mew, ka akuyngün Kanaan pingekefuy feychi mapu. Üye mew Jewba feypirkefi: ‘Tüfachi mapu eluafiñ tami pu yall.’ Abraam mülepuy Kanaan mapu mew, mülekey tolto ruka mu.

Ngünechen kellufi Abraam, ka nierpuy fütrake kechan ufisa ka kakewme kulliñ, ka patakakechi kona. Welu kidu, ka Sara nielafuyngu yall.

Nielu Abraam 99 tripantu, Jewba feypifi: ‘Rüf pin ñi femal, chaw ngeaymi fentreken lof che mew.’ Welu, ¿chumngechi ngerpuafuy feychi dungu, Abraam ka Sara doy füchayngu ñi nieal kiñe yall (püñeñ)?