Tripalu pu Israel che Egipto mu, akurpuy wünen Rey Israel mu

Moyse yeniey pu Israel che Egipto ñi ngillan konayem, puwi Sinay wingkul, chew Ngünechen elueyew tañi Feypin, Ley dungu. Fey wüla, Moyse werküy mari epu wentru ñi ellkangüneduammapual Kanaan mu. Welu mari wiñotuyngün kiñe weda kimeldungun. Femingün tati pu che ayüy ñi wiñotual Egipto mew. Ñi nienoel mupiltun Chaw Ngünechen mew, Ngünechen kastigafi tati Israel che ñi ñamkiawal (ñafkiawal) wellin mapu meli mari tripantu mu.

Fey wüla, Josue dullingey (ngümintungey) ñi tukuafiel tati pu Israel che Kanaan mapu mew. Ñi kelluafiel ñi nüal ti mapu, Jewba femi afman - ngechi dungu. Jewba elkünuy ti Jordan lewfü mu katrütuy witrunko, Jeriko ñi alüpüra kuramalal (malalmalechi) treyüfnagal, ka elkünuy ñi nengümnoal chi Antü kiñe kom antü. Fey wüla kayu tripantu mu, müntuñmafi ñi mapu Kanaan che.

Ellaka mu Josue mew, Israel ngüneytungey pu kues mu 356 tripantu mu. Kimafiyiñ fey engün mew, chumngechi Barak, Gedeon, Jefte, Sanson, ka Samuel. Kafey chillkatuafiyiñ tati pu domo chumngechi Rahab, Debora, Jael, Rut, Noemi ka Dalila. Kom tüfachi KÜLA TROKIÑ mew, ruparkey 396 tripantu.