Salomon dewmay ngillatuwe ruka

PETU ñi lanon David, elufi Salomon Ngünechen ñi duam ñi dewmayal Jewba ñi ngillatuwe ruka. Meli tripantu rupay Salomon ñi ngüneniel, llituy ñi dewmayafiel ti ngillatuwe ruka, ka regle rangiñ tripantu mu dewmay. Fentren warangka wentru küdawingün ñi dewmafiel ti fütra ruka. Rume fentren kulliñ pengey ti ruka, rume fentren milla, ka plata pünengey.

Tüfachi ngillatuwe ruka niey epu doy falin katrüntüku, trüri ti tolto ruka reke ñi poyeam. Welu doy epu rume alüy kakelu mew. Salomon elkünuy ti tukulpangepeyüm kakon, doy ponwitu katrüntüku ti ngillatuwe ruka mu.

Dewlu kom ti ngillatuwe ruka, müley kiñe fütra ayüwün trawün (kawiñ). Salomon lukutuy itrotripa ngillatuwe ruka mew ka ngillatuy, chumngechi peymi. ‘Kom wenu no rume, rume alülay eymi tami mülepan üye mew,’ Salomon pifi ta Jewba, ‘fey mu, ¿chumngechi pepi konafuymi tüfachi ngillatuwe ruka? Welu, taiñ küme Ngünechen, fürenen allkütunge tami pu che ngillatule tüfachi mülewe mew.’

Aflu Salomon ñi llellipun, fey wenu mapu mu nagpay kütral, lüpümfi ti chalintükulechi kulliñ elkünungelu. Kiñe alofkülechi pelon tuwi Jewba mu apoli chi ngillatuwe ruka. Tüfa Jewba pengeli ñi allkütulen, ka ñi ayüwkülen ti ngillatuwe ruka mew ka Salomon ñi llellipun mu. Fewla ti tolto ruka ngewetulay, ti ngillatuwe ruka welu mületuy, fey ngetuy tüfa chew ta pu che ñi poyeafiel ta Ngünechen.

Alün tripantu mu Salomon küme kimün mu ngüneniey, ka pu che ayüwküleyngün. Welu Salomon fentren kurenietuy fill mapu tuwlu chi pu domo, ka poyekelafingün ta Jewba. ¿Pefimi kiñe poyemekefi kiñe adentun? Af mew tüfachi pu domo yeniefi Salomon ñi poyeafiel kakelu dio. ¿Kimimi chem dungu rupaley fewla? Salomon rume weda piwke ngetuy, ka fewla ti pu che ayüwkülewetulay.

Salomon fewla rume lladkülkafi ta Jewba, ka feypieyew: ‘Müntuñmatuayu ti reyno ka wentru eluafiñ. Tüfa femlayan petu tami mongelen, welu tami fotüm ñi ngünenien mu feman. Welu müntuñmalayafiñ kom ti pu che tami fotüm ñi reyno mu.’ Peafiyiñ chumngechi rupayay tüfachi dungu.