Fentren warangkakechi püllü müleyngün

Biblia ta kimeltueiñmew ñi mülen alün püllü. Jewba kiñe pekenoelchi püllüngey, wenu mapu mülelu (Matew 18:10, 1 Timotew 1:17).

Fütra kuyfi mu Jewba kidulekefuy fütra wenu mapu mew. Fey eluwi ñi dewmayal tati pu werken püllü. Tüfa engün doy newen-ngeyngün tati pu che mu, ka doy kimün nieyngün. Jewba dewmay rume fentren werken püllü. Feymu Jewba ñi kona, Juan pingelu, kiñe pewma mu pey rume fentren warangka werken püllü (Apokalipsi 5:11; Ebrew 1:13, 14).

Chaw Ngünechen dewmafi tati pu werken püllü petu ñi dewmanon ti Mapu (Job 38:4-7). Welu lalu tati pu che Mapu mu, ¿werken püllü ngetuyngün am? Femlay tati.