KIMELTUN 1

¿Chumngechi allkütukefiyiñ Chaw Ngünechen?

Chaw Ngünechen dungumekeeiñmew tati Biblia mu 2 Timotew 3:16

Jewba tañi ülmen mülewe wenu mapu mu, adkünufi tati pu wentru ñi wirintukual ta Biblia

Ngünechen ñi rakiduam müley Biblia mew. Kidu dulli kiñeke wentru ñi wirintukual. Tati Biblia mew doy falin dungu müley, ka Chaw Ngünechen ayüy tami kimafiel.

Iney no rume doy kimlay Ngünechen mew. Kidu kimniey chumngechi taiñ doy kümelkaleal. Allkütufilmi, küme dulliaymi tami chumal (Efesio 1:17; Luka 11:28).

Biblia fentren kewün dungu mu; kiñe wentru papeltumekey Biblia kidu ñi kewün mu

Kidu ayüniey kom pu che ñi chillkatuafiel ti Biblia. Feymu lle, rulpangey fentren kewün dungu mu.

Eymi küpa allkütufilmi Ngünechen, müley tami chillkatuafiel ti Biblia, ka küme kimafimi.

Fentren che müleyelu kom Mapu mew allkütukefingün ta Ngünechen Matew 28:19

Kiñe Dungukelu Iney Ngen Jewba papeltulelfi Biblia ti wentru, fey mür chillkatuyngu tüfa

Pu Dungukelu Iney Ngen Jewba, kelluafeymew tami küme kimafiel ti Biblia.

Kom Mapu mew, tüfa engün kimelkeyngün Ngünechen tañi rüf dungu.

Eymi amulmi tüfa engün ñi trawün mew, doy kimürpuafimi ta Chaw Ngünechen. Kom tañi chillkatukeel engün, kullingekelay.

Trawün tati pu Dungukelu Iney Ngen Jewba ñi Trawünwe Ruka mu