¿Chumgechi weniyeafuymi Dio?

1. ¿Allkütupey may Dio itrokom llellipun?

Dio mangelkefi fillke che fülkonal llellipun mu, nütramkayafiel kidu (Salmo 65:⁠2). Welu itrokom llellipun allkütukelay, ka llowkelafi rume. Biblia feypi kiñe wentru wedalkamekele ñi domo, ñi llellipun ‘katrülkayafuy’ (1 Pedro 3:⁠7). Tati pu israel che wiño-wiñowedalkamekelu, Dio pilay ñi allkütufiel. Feylle may, llellipun doy sakin ngey. Welu kiñe che femle kiñe doy weda dungu ka wiñoduamtule, Dio allkütukey ñi llellipun. Chillkatunge Isaías 1:⁠15, ka Hecho 3:⁠19.

Pefinge ti video ¿Allkütukepey may Chaw Dios itrokom llellipun?

2. ¿Chumgechi müley taiñ ngillatuafiel?

Nütramkafiyiñ Jewba pengelkeiñ kidu taiñ Dio ngen, feymu lle müley taiñ ngillatuafiel kidu müten. Jewba rüf kidu müten rüf Dio ngey, ka taiñ Dewmaetew (Matew 4:⁠10; 6:⁠9). Kafey, enkañgelu iñchiñ, müley taiñ ngillatuafiel Dio, Jesu ñi üy mew, lalu am kom taiñ yafkan mew (Juan 14:⁠6). Jewba ayükelay tañi wiño feypi-feypingeal taiñ ngillatun, kimniekan ka wirintükunieel mu, welu may rüf piwke mu müley taiñ ngillatuafiel. Chillkatunge Matew 6:⁠7, ka Filipense 4:⁠6, 7.

Taiñ Dewmaetew allküy feychi ñiküfkülechi llellipun (1 Samuel 1:⁠12, 13). Ka mangeltueiñmew rumel ngillatumekeafiel, puliwen mew, pun (trafia) mew, yafütualiyiñ, ka nieliñ wedake dungu. Chillkatunge 1 Pedro 5:⁠7, ka Matew 15:⁠36.

3. ¿Chumgelu (chemu) pu rüf kristiano trawükeyngün?

Famülke mew walloñmaeiñmew fentren che nielay mupiltun Dio mu, ka ayeniekefi engün ñi feypikünun ñi küpayal tüngkülen kom Mapu mu. Tüfachi dungu katrütuafuy taiñ newen taiñ fülkonal Dio mew (2 Timotew 3:⁠1, 4; 2 Pedro 3:⁠3, 13). Feymu lle duamnieyiñ taiñ trawüwal kakelu kristiano iñchiñ, feymu llowal yafüluwün. Fey engün ka duamniey taiñ yafültükuafiel. Chillkatunge Ebrew 10:⁠24, 25.

Trawüliyiñ ta che ñi piwkeyeafiel Dio, kelluaeiñmew taiñ doy fülkonal Dio mew. Tati pu Dungukelu iney ngen Jewba ñi puke trawün mu, taiñ kümelkayaetew tüfachi pu che ñi mupiltun. Chillkatunge Romanu 1:⁠11, 12.

4. ¿Chumgechi weniyeafuymi Dio?

Ngüneduamülmi tami kimeletew Dio mülelu Biblia mu, eymi weniyeafuymi Dio. Rakiduamge tañi femün mew, tañi ngülam ka tañi maneluwün dungu. Ngüneduamün mu ka llellipun mu, kelluaeymu tami küme kimal ñi müna fütra piwkeyewün ka tañi fütra kimün nien Dio. Chillkatunge 1 Timotew 4:⁠15, 16.

Nielmi mupiltun, ka maneluwün Dio mu, eymi weniyeafuymi Dio. Welu ti mupiltun kiñe anümka trüri. Kiñe anümka duamniey ko ka iyael (yagel), ka femgechi eymi müley tami rumel “yafütuafiel” tami mupiltun, tami ngüneduamafiel chem puke dungu ñi kelluafiel tami feyentun. Chillkatunge Matew 4:⁠4, ka Ebrew 11:⁠1, 6.

5. ¿Chem kümelkan nürpuafuymi weniyefiel Dio?

Jewba rakiduamtükuniefi kom tañi piwkeyenieetew. Pepi montulafuy chem dungu mew rume kuñiwtükukefi tañi mupiltun ka tañi maneluwün afnoachi mongen mu (Salmo 91:⁠1, 2, 7-10). Kimeltueiñmew chumgechi kiñepülekünual feychi weda rüpü mongen, taiñ kuñiwtükukeel taiñ añeltukeetew taiñ küme feleal, ka taiñ ayüwküleal. Jewba kimeltueiñmew chumgechi doy küme mongeleal. Chillkatunge Salmo 73:⁠27, 28, ka Santiaw 4:⁠4, 8.