Noé ñi fütra huampo ruca

Rupalu chi tripantu, fentren che mülerpui mapu mu. Epe com huesa chengefuingün. Quiñeque cüme püllü cütu huesa püllüngetuingün. Elcünufingün ti huenu ñi cüpayal mapu mu. ¿Chumngelu femingün tüfa? Ñi huentrucünuhual femngechi ñi niehual pu domo engün.

Pu huesaque püllü niefingün pu domo, fei nierpuingün pichiqueche. Tremlu feiti pichiqueche, rume nehuen-ngeingün ca ayüquefuingün quehuan dungu, fei huesalcaquefingün pu che. Chau Jehová ayülai feichi dungu ñi rupan. Feimu cüpali fütra mahun ñi ürfial com feichi huesaque che, tüfa Fütra Mangiñ Co pingequei.

Huelu mülefui quiñe cüme huentru, Noé pingefui, piuqueyeniefi ta Chau Jehová. Tañi domo engu 3 familia nieingu: Sem, Cam ca Jafet pingefuingün. Tüfachi 3 huentru ca niefuingün domo. Chau Jehová feipifi ta Noé ñi deumayal quiñe fütra huampo ruca, tüfa quiñe fütra caja reque felefui, mamüll meu deumangelu, fei quenaiquiyahuafui co mu. Femngechi, acule ti Fütra Mangiñ Co, mongetripayafui Noé com tañi familia engün.

Feipingelu Noé, müchai müten eluhui ñi deumayafiel ti fütra huampo ruca. Noé ca tañi pu che inafingün com ñi feipin Chau Jehová, 50 tripantu cüdahuingün ñi deumayal ti fütra huampo ruca. Com feichi tripantu mu, Noé amuldungufi pu che ñi acual tati Fütra Mangiñ Co, huelu inei no rume hacecasolaeyu.

Acui ti antü com ñi conal huampo ruca meu, fei ¿quimimi chem rupai? Inaduamafiyiñ.