Pura che müten mongetripaingün

Noé, tañi pu che ca tati pu culliñ conpuingün ti fütra huampo ruca mu. Jehová cerracünufi ti puerta, ca fütra mahun eli. Ñochiquechi mangiñmalerpui ti mapu, fei ti huampo ruca quenaipürai. Fei com tati huesaque che laingün, huelu Noé tañi pu che engün ponhuitu huampo ruca mu mülefuingün, feimu mongetripaingün. Femngechi dungu rupafulmi, ¿rume ayüupelayaimi tami inaniefiel mu Chau Jehová ñi feipin?

Fütra mahuni 40 antü ca 40 pun meu, fei hula tüngnagi ti mahun. Ñochiquechi ancületui ti mapu. Femngechi ti huampo ruca mülenagpui quiñe huincul mu. Huelu petu mülefui fentren co, feimu pepi tripalaingün.

¿Tunteñma mülenagingün huampo ruca mu Noé tañi pu che engün? Doi 1 tripantu, fei pihutui com ti mapu. Feichi mu, Chau Jehová feipieyu ñi tripayal engün. ¡Lifcületui ti mapu, ngehuelafui huesaque che! Fente ñi mañumfiel Chau Jehová tañi montuleteu, chalintuculelfingün quiñeque culliñ.

Chau Jehová rume ayühui feichi mañumtun mu, feimu feipicünui “chumcaunorume huiño apümcahuelayafiñ com ti mülelu mapu mu quiñe fütra mangiñ co mu”. Ñi acordangeal tañi feipicünuel, pengeli ti hunen relmu huenu meu. Eimi, ¿pequefimi quiñe relmu?

Chau Jehová ca feipifi ta Noé ca tañi pu che “nieaimün fentren fotüm ca ñahue, fei apolafimün ti mapu”.