Tati Fütra Ruca Babel mu

Rupalu ti Fütra Mangiñ Co, Noé tañi pu fotüm ca tañi pu domo engün nierpuingün fentren pichiqueche. Doi alün-ngerpui tañi familia, fei fill püle mülepuingün, femürpuingün tañi feipieteu Chau Jehová.

Huelu quiñeque familia inalaingün Chau Jehová tañi feipin. Feipingün: “Mülenagaiñ tüfa mu müten, fei deumayaiñ quiñe huaria ca quiñe fütra ruca, alüpürayai, huenu mu puhuai. Femngechi cüme üitungeaiñ”.

Chau Jehová ayülafi tañi femün engün, feimu catrütufi. ¿Quimqueimi chumngechi femi? Huelucünuñmafi ñi dungun engün, fei caquerumetui ñi dungun engün. Feimu pu che üitufi feichi huaria Babel, feipilelu “huelulcahun”. Hueluconque quimuñmauhuelaingün tañi quehun engün. Feimu, elcünuingün ti deumarucan ca fill püle amuingün ñi mülenagal. Huelu fentecünulaingün ñi femal huesaque dungu cheu tañi mülepun engün. ¿Mülepefui mai quiñeque che poyequefilu ta Chau Jehová? Cüpalechi quimeltun mu peafiyiñ.