Ñi ngüneduamngeal troquiñ 8

Chau Jehová cümelcafi Salomón, elufi quimün ca elfalcünufi ñi deumayal tañi ruca. Huelu pu poyequefilu coilaque dios ñochiquechi püntülfingün Salomón Chau Jehová mu, cüme quimeltuafimi pu pichiqueche feichi dungu. Israel hudatripai, ca pu huesaque lonco ülmen ñi duam mu pu che caiñetufi Chau Jehová ca poyefingün coilaque dios. Feimu caiñetungei Chau Jehová ñi pu huerquen, fentren engün langümngei. Jezabel ñi duam mu, norte püle Israel mu doyelcülerpui ñi caiñetungen Chau Jehová. Rume huesa femingün pu Israel che feichi mu. Huelu mülerquefui fentren che poyequefilu ta Chau Jehová, quiñeque tüfa feita Jehosafat ca Elías.