11 KIMELTUN

Yafüluwün mu entunge tami feypin

Romanu 12:⁠11

DUAMFALI TAMI KIMAL: Piwke mu entunge tami feypin, femngechi yafültukuafimi pu allkütukelu ka puwaymi ñi piwke mu.

Tami piwke mu mülepe chem tami kimeltual. Pepikawülmi, rakiduamnge chumngelu (chemu) fente falin-ngey chem pial. Küme chillkatufinge, femngechi piwke mu tripayay tami kimeltun.
Rakiduamtukuniefinge tami pu allkütukeetew. Ngüneduamnge chumngechi kelluafi pu allkütukelu chem tami kimeltual kam papeltual. Tami kelluafiel engün ñi doy adümafiel ka doy falintuafiel ti kimeltun, rakiduamnge chumngechi küme wülal tüfa.
Ayüwün mu entuaymi tami feypin. Piwke mu tripape tami kimeltun. Tami ange mu ka nengümfilmi tami kuwü, pengelaymi tami yafüluwkülen. Welu eymi tami chumngen mu, femngechi tripape.

Müchayke nengümnengümtufilmi tami kuwü, pu che küme longkontukulayay tami feypimeken. Petu tami dungunon, wüne rakiduamnge chumngechi nengümafiel tami kuwü ka chem pengelaymi tami ange mu. Yafüluwün mu dunguaymi, doyelchi may tami feypial ti doy falinke dungu kam yafültukuafiel pu che ñi küme femal. Welu re yafüluwünkechi dungulmi kom tami feypin, nütram kam wewpin mu, pu allkütukelu afeluwafuy.