Cüme entunge ti nütramcan

Biblia ñi ngülam: “Quiñe dungun feipingelu puuchi antü meu, ¡müna cüme dungu tati!” (Prov. 15:23).

Felipe ñi femün

Felipe amuldungufi quiñe Etiopía huentru papeltumequelu quiñe chillca tañi carretela mu.

VIDEO: Felipe amuldungufi ti falin cüdaufe Etiopía tuulu

1. Pefinge ti VIDEO cam papeltunge Hechos 8:30, 31. Fei hula ngüneduamfinge tüfachi ramtun:

Ellaca mu Felipe, ¿chem nütramcafi ti huentru?
Felipe quimelelfi ti rüf dungu, huelu ¿chumngelu (chemu) cüme entui ñi nütramcan ellaca mu?

¿Chem quimeltueiñmu Felipe ñi femün?

2. Cüme entuliyiñ taiñ nütramcan ellaca mu, ti che doi cüme duamai ca eluucüleai taiñ allcütuaeteu.

Inayentufinge ta Felipe

3. Inaduamfinge ñi chumngechilen ti che. Ti che ñi ad ca ñi chumcünuhun, ¿chem pengeleimu? ¿Eluucülepei mai ñi nütramcayal? Tami nütramcayafiel ti che Biblia mu, ramtuafuimi: “¿Quimimi cai…?”. Ti che cüpa nütramcanole, fentecünuaimi müten.

4. Eluunge tami üngümcüleal. Müchai müten mülei ñi nütramcayal Biblia mu pilayaimi. Ramtuunge: “¿Feula mai cümepeafui ñi dungual Biblia mu?”. Femnole, esperaleaimi, fei cangentulayaimu ti che. Ca antü chi doi cümeafui tami nütramcayafiel Biblia mu.

5. Ca dungu mu nütramcayafuimi. Cañpüle amuafui chi ti nütramcan. Fei ngüneduamülmi chem ayüniei ñi nütramcayal ti che, feitichi dungu feipiafimi, ca dungu pepicanielmi rume.

CA INADUAMFINGE

Ecl. 3:1, 7; 1 Cor. 9:22; 2 Cor. 2:17; Col. 4:6