Nütramcayaimi pu che ñi duamnieel

Jesús ñi femün

VIDEO: Jesús nütramcafi ti domo quiñe rünganco mu

1. Pefinge ti VIDEO cam papeltunge Juan 4:6-9. Fei hula ngüneduamfinge tüfachi ramtun:

1. ¿Chem ngüneduami Jesús petu ñi nütramcanofiel ti domo?

2. Jesús ellaca mu feipifi: “Eluafen co”. ¿Chumngelu (chemu) cümei tañi femngechi nütramcafiel ti domo?

¿Chem quimeltueiñmu Jesús ñi femün?

2. Nütramcafiliyiñ ti che chem ñi duamnieel, doi cüme tripayai taiñ nütramcan.

Inayentufinge ta Jesús

3. Ca dungu mu nütramcayafuimi. Duamfalngelai tami nütramcayal ellaca mu chem tami ayüqueel, doi mai chem ñi ayüqueel caquelu che. Feimu ramtuunge:

1. “¿Chem dungu tripaquei noticia mu?”.

2. “¿Chem dungu nütramcamequei tañi pu carucatu, tañi pu compañ cüdau cam colegio mu?”.

4. Ngüneduamnge ñi chumngechilen ti che. Ramtuunge:

1. “¿Chummequei ti che? ¿Chem raquiduamcülei?”.

2. “Ti che ñi tacun, ñi ad ca ñi ruca, ¿chem pengeleneu tañi feyentun ca tañi huimtun mu?”.

3. “¿Feula cümepeafui mai tayu nütramcahual?”.

5. Cüme allcütunge.

1. Müte dungulayaimi.

2. Elufinge tati pu che ñi dungual. Cüme troquifilmi, quiñeque dungu ramtuafuimi.