ELUUNGE TAMI NÜTRAMCACHEAL
QUIMELTUN 4
Ñom chengeaimi
Biblia ñi ngülam: “Ñom piuquengeaimün, doicülelu troquiafimün ta caquelu che” (Filip. 2:3).
Pablo ñi femün
1. Pefinge ti VIDEO cam papeltunge Hechos 26:2, 3. Fei hula ngüneduamfinge tüfachi ramtun:
Pablo dungufilu ti lonco ülmen Agripa, ¿chumngechi pengeli tañi ñom piuquengen?
Pablo quintulai ñi afmatuaeteu pu che, doi mai raquiduamelquefi pu che Jehová mu ca ti Biblia meu. ¿Chumngechi femi tüfa? (Pefinge Hechos 26:22).
¿Chem quimeltueiñmu Pablo ñi femün?
2. Tati pu che doi allcütuaiñmeu nütramcafiliyiñ yamün mu ca ñom piuquengen meu.
Inayentufinge ta Pablo
3. Yamuhun mu dunguaimi. Quimcaulayaimi ca raquiduamel-layafimi ñi quimnon tati che.
4. Quimfalcünunge tami feipin ñi cüpan Biblia mu. Chau Dios mu cüpai ti Biblia, feimu puhuafui pu che ñi piuque mu. Pengelelfiliyiñ Biblia ti pu che, quelluafiyiñ ñi cüme maneluhual Chau Dios mu.
5. Cüme duamelchequeaimi. Feipiconcülelayaimi chem mu ñi huelulcalen ti che. Cüpa notucadunguquelafiyiñ pu che. Ñom piuquengelmi, illcufemlayaimi. Ca duamfalngele tami amutual, femaimi müten (Prov. 17:14; Tito 3:2). Cüme dungufilmi ti che, cüpa llohuafeimu chi ca antü.