Yamchequeaimi

Pablo ñi femün

VIDEO: Pablo amuldungufi pu che Atenas huaria mu

1. Pefinge ti VIDEO cam papeltunge Hechos 17:22, 23. Fei hula ngüneduamfinge tüfachi ramtun:

1. Atenas huaria apolefui coilaque dios mu, feimu ¿chum duami Pablo? (Pefinge Hechos 17:16).

2. Ngüneduamfiel mu pu Atenas che ñi feyentun, ¿chumi Pablo ñi yamquechi amuldunguafiel engün?

¿Chem quimeltueiñmu Pablo ñi femün?

2. Cüme raquiduamliyiñ chem, chumngechi ca chumül taiñ dungual, tati pu che doi cüpa allcütuafeiñmu.

Inayentufinge ta Pablo

3. Cüme dullinge chem tami feipial. Dungufilmi quiñe che cristianongenolu, cüme raquiduamaimi chumngechi doi cümeafui tami pengelelafiel Biblia cam nütramcayafiel Jesús mu.

4. Norümfemlayafimi ti che. Catrütulayafimi ti che ñi entual tañi dungu. Tañi feipin chaftufile Biblia ñi quimeltun, calli dungupe müten, norümlayafimi (Sant. 1:19). Cüme allcütufilmi, quimaimi chem ñi feyentuquen ca chumngelu (chemu) femngechi raquiduamquei (Prov. 20:5).

5. Cümeque dungu feipile ti che, feingei tami feipin, saquieyu piafimi. Ti che cüme piuque mu raquiduamcüleafui chi ñi huelulcalenon. Feimu quiñeucülele tamu raquiduam quiñe dungu mu, tüfa ta nütramcayafimi. Fei ñochiquechi quimeltulelafimi Biblia ñi feipin.