Ñochi duam chengeaimi

Jesús ñi femün

VIDEO: Jesús ñochi duam mu quellufi tañi peñi

1. Pefinge ti VIDEO cam papeltunge Juan 7:3-5 ca 1 Corintios 15:3, 4, 7. Fei hula ngüneduamfinge tüfachi ramtun:

1. Jesús tañi pu peñi, ¿chem raquiduamquefuingün ellaca mu?

2. Jesús fentecünulai ñi quellufiel tañi peñi Santiago, ¿chumngechi quimiyiñ tüfa?

¿Chem quimeltueiñmu Jesús ñi femün?

2. Quiñeque che doi alüñmayafui ñi llohual ti rüf dungu, feimu duamnieiñ taiñ ñochi duam chengeal.

Inayentufinge ta Jesús

3. Caquerumeafui chumngechi tami quimeltucheal. Ellaca mu ti che eluunole ñi chillcatulelngeal Biblia, feipimequelayafimi. Cümelu troquifilmi, pengelelfinge video cam papel, femngechi quimai chumngechi taiñ chillcatulelquefiel Biblia tati pu che ca chumngechi quelluafeyu.

4. Trürümlayafimi pu che. Caquerumei ta che. Quiñe tami pariente cam quiñe che tami lof meu eluucülenole ñi chillcatual Biblia cam llounole ñi quimeltuel, ramtuunge chumngelu (chemu) ñi femquen. Feiti che, ¿rume falintupei mai quiñe huimtun ñi nieel tañi religion? Tañi pu che cam tañi pu carucatu catrütumequeyu chi. Elufinge ti che ñi raquiduamal, femngechi falinturpuafui Biblia ñi quimeltuel.

5. Ngillatuaimi ti che mu. Ngillatuafimi ta Chau Jehová tami cüme raquiduam nieal ca tami yamnieafiel ti che. Quiñe che nehue duamnofile ti rüf dungu, quelluen piafimi ta Jehová, femngechi quimaimi tami huiño pemetuafiel ti che cam tami femhuenoal (1 Cor. 9:26).