HUIÑO PEMETUFINGE TI CHE
QUIMELTUN 9
Inaduamfinge ñi chum duamcülen ti che
Biblia ñi ngülam: “Inaye ayühuaimün tati pu ayüucülelu engün. Inaye ngümayaimün tati pu ngümaquelu engün” (Rom. 12:15).
Jesús ñi femün
1. Pefinge ti VIDEO cam papeltunge Marcos 6:30-34. Fei hula ngüneduamfinge tüfachi ramtun:
Jesús ca tañi pu discipulo, ¿chumngelu (chemu) ayülei “tañi quisuleal” engün?
¿Chumngelu Jesús eluhui ñi amuldungulelafiel fentren che?
¿Chem quimeltueiñmu Jesús ñi femün?
2. Raquiduamliyiñ chem ñi duamnieel ti che, quimelelafiyiñ ti rüf dungu, huelu cafei quelluafiyiñ.
Inayentufinge ta Jesús
3. Cüme allcütufinge ti che. Nütramcape ti che, catrütulayafimi. Ti che nütramcaelmu tañi chum duamcülen cam ñi huesa rupamequen, allcütuafimi. Femülmi, ti che ngüneduamai tami rüf duamtuniefiel.
4. Raquiduamtucufinge ti che. Loncontucunge chem tamu nütramcael, fei ramtuunge:
“Feiti che, ¿chumngelu duamniei ñi quimal ti rüf dungu?”.
“Chillcatufile ti Biblia, ¿chumngechi doi cüme feletuafui ñi mongen feula ca cüpalechi antü meu?”.
5. Nütramcayafimi ti che chem tañi quelluafeteu. Müchai müten quimelelfinge ti che chumngechi Biblia huiñoldunguquei tañi ramtuuqueel ca chumngechi quelluafeyu ñi mongen mu.