QUIMELTUFINGE TI CHE ÑI INAYAFIEL TA JESÚS
QUIMELTUN 11
Adümfalngepe tami feipin
Biblia ñi ngülam: “Adümfalngenole tamün feipin, inei no rume quimlayai tamün feipimequen” (1 Cor. 14:9).
Jesús ñi femün
1. Pefinge ti VIDEO cam papeltunge Mateo 6:25-27. Fei hula ngüneduamfinge tüfachi ramtun:
Ñi pengelal taiñ cuñiutucuqueteu Chau Jehová, ¿chem nütram feipi Jesús?
Jesús rume quimniefi tati pu üñüm, huelu ¿chumngelu (chemu) pichiquen dungu müten feipi? ¿Chumngelu fente cümei ñi femngechi quimeltuchequen?
¿Chem quimeltueiñmu Jesús ñi femün?
2. Adümfalngele taiñ feipin, pu che loncontucunieai ca piuquentucunieai ti quimeltun.
Inayentufinge ta Jesús
3. Müte dungulayaimi. Feipilayafimi ti che com tami quimün. Doyelchi mai quimelelfinge chem ñi mülen ti papel meu. Ramtulmi, üngümcüleaimi ñi huiñoldungual ti che. Huelu quimnole chem ñi huiñoldungual cam tañi feipin chaftufile Biblia, ¿chumafuimi? Caquelu dungu ramtuafuimi, femngechi quelluafimi tañi cüme huiñoldungual. Ti che adümfile ti quimeltun, amulepe müten ti chillcatun.
4. Quimeltufinge ti che chumngechi nüucülei tañi deu quimün ca tati hueque quimeltun. Chillcatulmu ti huiñomongetun mu, hunelu mu matu huiño inaduamafuimu chem ñi quimün ti che ñi chumlequetun pu la.
5. Cüme dullinge ti nütram tami feipial. Petu tami feipinon, ramtuunge:
“¿Adümfalngepei mai feiti nütram?”.
“¿Adümpeafui mai ti che?”.
“Ti che, ¿loncontucunieai ti quimeltun cam ti nütram müten?”.