Tati pu trahuluupalu ñi quimnieal

ADCÜNUCHEQUELU. Tati pu adcünuchequelu quelluaimu. Cüme allcütufinge chumngechi adcünumequeingün cheu ñi elngequem ti pu auto, cheu ñi rupaquen tati pu che, ñi dullintungeal ti huancu ca fillque dungu.

FAUTIZANGEAL. Feipingenole ca dungu, ti huancu tati pu fautizahualu ñi anüleam, mülei ñi dullicünungeal puñmalelu cheu ñi hueupingequem. Tati pu fautizahualu mülei ñi anüleal engün, petu ñi hulngenon tüfachi hueupin sabado pulihuen mu. Com mülei ñi cüpalal engün quiñe toalla ca quiñe cüme tacun ñi conal co mu.

AYÜHUN ÑI HULQUEEL. Tüfachi trahun mu fentren plata amultucungei ñi cümelcaleal, ñi müleal cümeque huancu, ñi cüme allcütungeal ca nieal video chemcün, ca itrofill ñi cümelcaleal tüfachi trahun mu ca ñi doi pülleleal Jehová meu. Tamün hulfielchi plata quelluai ñi culliñmangeam tüfachi trahun, ca quellungeai tati amuldungun com huall mapu püle. Ñi cümelcaleal, com püle tüfachi trahunhue ruca mu mülei caja ñi elngeam tamün ayünieel ñi hulal. Cafei, internet mu ca hulafuimi plata, conafuimu donate.jw.org. Mañumfali com tamün hulqueel. Ti Cuerpo Gobernante mañumnieimünmeu tamün ayühun-ngechi quellunien mu com ti coneltulelu Ngünechen ñi Gobierno mu.

QUELLUNGEPEYÜM TI ALLFÜCHI CHE. Füreneen, acordanienge, tüfa mu amuai tati rüf duamnielu ñi quellungeal müten.

ÑAMCÜLECHI HUESAQUELU. Com ti ñamcülechi huesaquelu mülei ñi yengeal cheu ñi elngequem ñamcülelu. Ñamümülmi tami huesaquelu, tüfa meu quintupayafuimi tami ñamümel. Ca cüpalngeai tüfa mu tati pichiqueche püntüulu ñi pu chau mu, cam ñamquiyaulu. Huelu tüfa mu elngelai ta ngüneitual tati pu pichiqueche. Fürenemuiñ pu chau, ngüneituniemün tamün pu pichiqueche, ca fülcülepe eimün meu tuntepun tüfachi trahun meu.

HUANCU. Fürenenge, duamtuchefengeaimi. Acordange tami dullial ti huancu tami pu chengeal, tami miyahulelchi che tami auto meu, tami ruca mu nieelchi pu che, ca tati pu chillcatuquelu Biblia eimi engu. Elcünuquilnge tami huesaquelu cangelu che ñi duamnieelchi huancu.

TI CÜPA QUELLUQUELU. Cüpa quelluntuculmi fillque cüdau nielu tüfachi fütra trahun mu, amuaimi tüfachi cüdaupeyüm meu.